1441 йил 20 сафар | 2019 йил 19 октябрь, шанба
Минтақа:
ЎЗ UZ RU EN AR
Қуръон

Хоҳлагинингизни қилинг!

16:25 / 23.03.2018 3222 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Албатта, оятларимиз ҳақида эгрилик қиладиганлар Бизга махфий бўлиб қолмаслар. Оловга ташланадиган одам яхшими ёки қиёмат куни омон ҳолида келадиган одамми?! Нимани хоҳласангиз, қилаверинг. Албатта, У Зот нима қилаётганингизни кўриб турувчидир.

Бу оят Қуръони Карим мўъжизаси бўлиб, Аллоҳнинг Биру Борлиги ва чексиз қудратига далолат қилувчи борлиқдаги оят­(белги)ларга нисбатан эгрилик ила муносабатда бўлган одамларнинг аҳволини баён қилади.

«Албатта, оятларимиз ҳақида эгрилик қиладиганлар Бизга махфий бўлиб қолмаслар».

Уларнинг кимлиги ҳам, Аллоҳнинг оятларига нисбатан қилган эгрилик, кофирлик ва нобакорлиги ҳам – ҳамма-ҳаммаси Аллоҳнинг Ўзига равшандир. Уларнинг барча амаллари ҳисоб-китоб қилингач, дўзахга ташланадилар.

«Оловга ташланадиган одам яхшими ёки қиёмат куни омон ҳолида келадиган одамми?!»

Аллоҳнинг оятлари ҳақида эгрилик қиладиганлар қиёмат куни дўзахга, тўғрилик қиладиганлар жаннатга кирадилар. Хўш, улардан қайси бири яхши? Ҳамма нарса маълум ва очиқ-ойдин бўлди. Энди

«Нимани хоҳласангиз, қилаверинг».

Хоҳласангиз, қуёшга сажда қилинг. Хоҳласангиз, ойга сажда қилинг. Хоҳласангиз, Аллоҳнинг оятлари ҳақида куфр сўзлар айтинг.

«Албатта, У Зот нима қилаётганингизни кўриб турувчидир».

Ҳар бир ишингизни Аллоҳ таоло кўриб туради.

Қиёматда амалингизга яраша жазолайди.

 

Шайх Муҳаммад Содиқ Муҳаммад Юсуф

  (Тафсири Ҳилол китобидан)



Муаллиф
islom.uz
Мавзуга оид мақолалар
123. Батаҳқиқ, Бадрда оз бўлсаларингизлар ҳам, Аллоҳ сизларга нусрат берди. Бас, Аллоҳга тақво қилинг, шоядки шукр қилсангиз.Бадр урушида мушрикларнинг сони минг давоми...

1738 05:00 / 23.01.2017
Қуръонни маҳкам ушлаш, унга қаттиқ амал қилиш саодат йўлидир Саодатнинг Қуръонга қаттиқ амал қилишга боғлиқлиги Қуръон қандай қилиб саодатни юзага чиқаришини, давоми...

1473 05:00 / 23.01.2017
Иброҳимни Роббиси калималар ила синаб кўрганда, у уларни батамом адо этганини эсла У зот .Мен, албатта, сени одамларга имом қилмоқчиман, деди. У .Зурриётимдан ҳамми, давоми...

1434 05:00 / 19.01.2017
Эй иймон келтирганлар Молларингиз ҳам, фарзандларингиз ҳам сизни Аллоҳнинг зикридан чалғитмасин. Ким шундай қилса, бас, ана ўшалар зиён кўрувчилардир.Агар давоми...

1678 16:46 / 25.04.2018
Топ рейтинг www.uz Openstat