1446 йил 5 зулқаъда | 2025 йил 02 май, жума
Минтақа:
Тошкент
ЎЗ UZ RU EN
Қуръон

Бақара сураси, 79

05:00 / 23.01.2017 3786 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Китобни ўз қўли билан ёзиб, сўнгра уни арзон баҳога сотиш учун: «Бу Аллоҳнинг ҳузуридан», дейдиганларга ҳалокат бўлсин! Уларга қўллари билан ёзган нарсаларидан ҳалокат бўлсин! Уларга топган фойдаларидан ҳалокат бўлсин!

Ояти карима зикр қилган «арзон баҳо» ҳақида Имом Ҳасан Басрий: «Арзон баҳо–дунё ва унинг нарсаларидир» деган эканлар. Дунёга молу бойлик, мансаб ва бошқалар киради.

Ушбу ояти каримада инсон томонидан содир этиладиган энг улкан жиноятлардан бири ҳақида сўз кетмоқда. Бу ояти каримада дунё тарихидаги энг улкан жиноятлардан бирини содир этган набокорга дуои бад бўлмоқда.

«Китобни ўз қўли билан ёзиб, сўнгра уни арзон баҳога сотиш учун: «Бу Аллоҳнинг ҳузуридан», дейдиганларга ҳалокат бўлсин!»

Молу дунё, мансабу амал, айшу ишрат ва ҳузур-ҳаловот йўлида билиб туриб, дин аҳкомларини бузадиган аҳли жаҳолатнинг васфи будир! Ундоқ жоҳиллар ўзларига диний илмларни билиш нисбатини берадилар. Улар кишиларга диний таълим бериш, дин аҳкомларини баён қилиб бериш даъвосини қиладилар. Бошқа кишилар, хусусан диний илмлардан бехабарлар ёки етарли илми бўлмаганлар эҳтиёжлари тушганда ана ўша диний илм соҳибилигини даъво қилиб юрган шахсларга мурожаат қиладилар. Бундоқ пайтда ҳақиқий диний олим Аллоҳнинг ҳукмини тўғри ҳолда айтиб беради. Сохта диний олим эса, вазиятга қарайди. У ўзининг дунёвий манфаатини ҳамма нарсадан устун қўяди. У ўзига фоида етиши учун Аллоҳ ҳаром қилган нарсани ҳалол, дейиши ёки аксинча, Аллоҳ ҳалол қилган нарсани ҳаром дейиши турган гап. Шундоқ қилиб, динни бузадилар. Натижада барча томон расво бўлади. Шунинг учун ҳам оятда ундоқ кишиларга ҳалокат тилаб дуои бад қилинмоқда. Ҳа,:

«Уларга қўллари билан ёзган нарсаларидан ҳалокат бўлсин! Уларга топган фойдаларидан ҳалокат бўлсин!»

Яҳудийлар ана шундоқ қавм эдилар. Уларнинг омийлари динларини ўрганмай, хомхаёллар билан юрар эдилар. Уларнинг олимлари эса, динни арзон баҳога сотар эдилар.

Омийлари ва олимларининг ҳоли бундай бўлган қавмнинг иймонга келишидан умидвор бўлса бўладими?! Тафсирчи олимларимиз оятлар Бани Исроил ҳақида тушган бўлса ҳам, ҳаммага тегишлидир, деганлар. Ҳозирги кунда мазкур сифатларнинг кўплари мусулмонман, деб гердайиб юрганларда ҳам мавжудлиги кишини даҳшатга солади.


Муаллиф
islom.uz
Мавзуга оид мақолалар
40. Албатта, оятларимизни ёлғонга чиқарганлар ва улардан кибр қилганларга осмон эшиклари очилмас ва улар туя игна тешигидан ўтмагунча жаннатга кирмаслар. давоми...

6271 05:00 / 23.01.2017
Динимиз Ислом инсонийлик динидир, одобахлоқ динидир, яхшилик ва эзгулик динидир. Исломга кўра, инсон ўлиши билан унут бўлмайди ва шу боис, унинг тириклар зиммасида давоми...

35890 12:01 / 17.04.2023
36. Батаҳқиқ, Биз ҳар бир умматга .Аллоҳга ибодат қилинг ва тоғутдан четланинг,, деб Пайғамбар юборганмиз. Бас, улардан баъзиларини Аллоҳ ҳидоят қилди. Баъзиларига давоми...

3601 05:00 / 23.01.2017
Қуръон кишиларни тўғри йўлга бошлаш учун нозил қилинган китоб бўлиб, унинг вазифаси коинот, мавжудот ва илмий масалаларда сўз юритиш эмас. Лекин шу билан бирга, давоми...

5631 17:00 / 01.08.2019