1446 йил 17 рабиъул аввал | 2024 йил 20 сентябрь, жума
Минтақа:
ЎЗ UZ RU EN
Сийрат

Урушга изн берилиши

16:24 / 16.01.2018 3600 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Авваллари мусулмонларга ҳатто ҳимоя учун ҳам кофирларга қарши жанг қилишга рухсат йўқ эди. Мушриклар Пайғамбаримиз соллаллоҳу алайҳи васалламга ва у кишининг саҳобаи киромларига истаганларича азоб беришар, зулм қилишарди. Саҳобаи киромлардан баъзилари калтакланган, ярадор бўлган ҳолларида келиб, бошларидан ўтган ноҳақлик ва зулмдан шикоят қилсалар, Пайғамбар соллаллоҳу алайҳи васаллам:

«Сабр қилинглар, менга уруш қилиш учун изн берилгани йўқ», дер эдилар.

Мусулмонлар «Роббимиз – Аллоҳ» деганлари учун мушриклар уларни азоб-уқубатларга мубтало этдилар. Баъзиларини ўлдирдилар, бошқаларини калтакладилар, ярадор қилдилар, турли қийинчиликларга солдилар.

Охири келиб, мушриклар уларни бутунлай йўқ қилиб юбориш пайида бўлиб қолдилар. Ана шунда мусулмонлар ўз маҳбуб диёрларини, аҳли аёллари, қариндош-уруғлари, молу мулкларини ташлаб, чиқишга мажбур бўлдилар.

Лекин мушриклар уларни ҳижрат қилиб борган жойларида ҳам тинч қўймадилар. Ана шундагина мусулмонларга уруш қилишга изн берилди. Изн берилмаса ҳам бўлмас эди. Ҳаддидан ошган кофирлар ҳар нарса қилишлари мумкин эди. Аллоҳ таоло қуйидаги оятни нозил қилди:

«Ўзларига қарши уруш очилганларга уларга зулм қилингани сабабли (урушга) изн берилди. Албатта, Аллоҳ уларга нусрат беришга қодирдир» («Ҳаж» сураси, 19-оят).

Ушбу ояти карима мусулмонларга кофирларга қарши уруш қилишга изн берувчи биринчи оятдир.

Бу оятда мусулмонлар мазлум бўлганлари, азоб-уқубатга қолганлари учун уларга уруш қилишга рухсат берилгани очиқ-ойдин айтилмоқда.

«Ўзларига қарши уруш очилганларга уларга зулм қилингани сабабли (урушга) изн берилди».

Демак, кофирлар аввал мусулмонларга қарши уруш очишган. Мусулмонлар ҳужумга ва зулмга учраганлар. Энди улар ўзларини ҳимоя қилмасалар бўлмайди. Кофирлар уларни йўқ қилиб юборишлари мумкин.


Шайх Муҳаммад Содиқ Муҳаммад Юсуф

(Ҳадис ва ҳаёт китобидан)



Муаллиф
islom.uz
Мавзуга оид мақолалар
520. Абу Жуҳайфа розияллоҳу анҳудан ривоят қилинади .Набий соллаллоҳу алайҳи васаллам итнинг пулидан, қоннинг пулидан қайтарганлар, вашм қилиш ва вашм қилдиришдан, давоми...

3019 16:30 / 28.05.2021
Оиша розияллоҳу анҳодан ривоят қилинади .Набий соллаллоҳу алайҳи васаллам .Қачон бирингиз таом еса, Алоҳнинг исмини зикр қилсин. Агар аввалида Аллоҳнинг исмини давоми...

3836 18:42 / 28.04.2017
812. Абдуллоҳ ибн Аббос ва Убода ибн Сомит розияллоҳу анҳумдан ривоят қилинади.Расулуллоҳ соллаллоҳу алайҳи васаллам айтдилар .Зарар етказиш ҳам, зарарга зарар давоми...

2088 19:00 / 23.12.2022
235. Анас ибн Молик розияллоҳу анҳудан ривоят қилинади.Расулуллоҳ соллаллоҳу алайҳи васаллам .Уч нарса борки, улар кимда бўлса, иймон ҳаловатини топади Аллоҳ ва давоми...

5623 16:10 / 23.08.2019