Ҳадича онамизнинг савдо карвонига вакил бўлиб боришлари
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
224
Одам ёллар ҳар сафар, Ҳадича савдо учун,
Бунга тайёр кўпчилик,бир мунча фойда учун,
Хиёнатлар қилар кўп, бу эрлар нафси учун,
Амонатдор пок Зотни, кўрсатиб қўйди АЛЛОҲ.
225
Қишин ёзин бу хоним, қилар эди тижорат,
Хабар йўллар Ҳабибга, бўлиб жуда хижолат,
Хамроҳ қилай фойдамга, қилсалар гар ижобат,
Савдолари бир сабаб, дийдор берганди АЛЛОҲ,
226
Ҳабар олди Муҳаммад(С.А.В), ўйлаб қолдилар сўнгра,
Я -Роббана бу ишлар, хайрли бўлса ўнгла,
Маслаҳатга бордилар, бобосига шу тонгда,
Дунёда не ишлар бор , бир - бир кўрсатди АЛЛОҲ.
227
Бухабарга Мустафо,келди маслаҳат солиб,
Эшитганданкўп хурсанд, бўлганди абу Толиб,
Фойда кўпбу сафардан, турмагин уйда қолиб,
Учрашмоқгазўр сабаб, пайдо қилганди АЛЛОҲ.
228
Рози бўлиб Муҳаммад(С.А.В), савдога борар бўлди,
ИнтизорҲадичага, шулзахотхабар бўлди,
Хурсанд бўлиб астойдил, кўзларга қувонч тўлди,
Ажиб ҳис туйғуларни,бериб қўйганди АЛЛОҲ.
229
Шошмай Ҳадича айтар,кўп вазифа қулига,
Кўз узмагин бу Зотдан,тинмай кузаткунига,
Қандай сир - асрори бор, парво қилма пулига,
Мақсад молу дунёмас, ишқда куйдирди АЛЛОҲ.
230
Сафарга тайёр моллар, бир-биридан ҳам сара,
Карвонга ҳамроҳ бўлиб , борар бўлсанг Майсара,
Савдога иш тутмагин, фақатул Зотга қара,
Майсарага кўп сирни, кўрсатиб қўйди АЛЛОҲ.
231
Саргузаштлар бошланди , ўшал вақти бирма-бир,
Кўз узмасди Майсара, аён бўлди қанча сир,
Буюк давлатсоҳиби,кўнглида йўқ зарра кир,
Савдоларга чексиз файз, сочиб қўйганди АЛЛОҲ.
232
Кўз кўрмаган ҳолатлар, ишлари мунча ҳалол,
Оддий инсон эмаслар, қулга ҳам қилмас малол,
Ҳеч кимда йўқ ҳислатлар, тарбия қилган Жалол,
Асло ёлғон сўз демас, имкон бермайди АЛЛОҲ.
233
Хуллас кўп фойда билан, қайтардилар саломат,
Ҳеч ким кўрмаган асло, бундай файзли даромад,
Набий бўлмай беқиёс, ҳар ишлари каромад,
Қўл урсалар ҳар ишга, мўъжиза қилди АЛЛОҲ.
234
Карвон қайтар Маккага, хабар келтирди чопар,
Ҳижрон кўзлар йўл пойлар, Майсарадан хуш-хабар,
Ҳаловатйўқ дилларда, қулоқга хуш сўз ёқар,
Ҳадичанинг қалби пок,поклабқўйганди АЛЛОҲ.
235
Файзли даромад билан, нуқсон етмай бу карвон,
Соғ саломат келдилар, шаҳарга Буюк Сарбон,
Асли бунинг ҳаммаси, Буюк Эгамдан фармон,
Жами офат балога, кафил бўлганди АЛЛОҲ.
Жиззах шаҳар “ИМОМ БУХОРИЙ”
Жомеъ масжиди, имом ноиби
Ҳалилов Умиджон Абдуҳаким хожи ўғли
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
