1442 йил 5 рабиъул аввал | 2020 йил 22 октябрь, пайшанба
Минтақа:
ЎЗ UZ RU EN
Мавлид

Хулқлари ва гўзал суратлари

10:19 / 13.12.2017 3405 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

196

Шундоқ қилиб орадан, ўтди ойлар ва йиллар,

Унут бўлди заҳматлар, бир оз хотиржам диллар,

Кўркам йигит бўлдилар, фақат мақтайди тиллар,

Нечун гўзал бўлмаслар, танлаб олганди АЛЛОҲ.

197

Сабоқ олиб улғайдилар, борган сайин,

Элдаюриб тажрибани,олмоқтайин,

Чеҳралари кулиб турар,сўзлар майин,

Хулқи хушни севар фақат, билинг АЛЛОҲ.

198

Хулқларини аъло қилди,Буюк Холиқ,

Қай холатда бўлсалар ҳам, аҳдга содиқ,

Энг мукаррам ушбу инсон, ҳамдга лойиқ,

Олқишни ҳам энг зўрини, айтдиАЛЛОҲ.

199

Эл аро содиқликда, бўлдилар Аҳмад Амин,

Ҳукми одил мардЎғил ,кўрмади жами замин,

Дўсту душман изласа, топмагай феълда камин,

Тополмайди бенуқсон, қилиб қўйганди АЛЛОҲ.

200

Ўсдилар улғайдилар, хўп камолга етдилар,

Юзлари худди ойдек, хатто ундан ўтдилар,

Хуш  бичим жуссалари, елкалар кенг эрдилар,

Ниҳол мисол боғбондек, шакл берганди АЛЛОҲ.

201

Оҳ қанчалар хузурбахш, дилга ором сўзлари,

Қорачиқлар қоп қора, оқлари нур кўзлари,

Боболари Иброҳимга(А.С), ўхшар экан Ўзлари,

Ким боқсаки ул Зотга, роҳат берганди АЛЛОҲ.

202

Бир - биридан сал очиқ, ёйсимондур қошлари,

Таърифгаожиз ақлим, гўзал азизбошлари,

Жуда кўркам Ўзлари, йигирма беш ёшлари,

Энг мукаммал суратда, чирой берганди АЛЛОҲ.

203

Дона – донатишлари, бамисоли дур каби,

Табассумқилса ул Зот, чароғондур нур каби,

Бундай гўзал суратга, лойиқ фақат хос Наби,

Ожиз қолдим ёзмоқга, илҳом бермаса АЛЛОҲ.

204

Мушкдан афзал ҳидлари, токи юрган йўллари,

Бўй тарқатар йўл эмас, Маккани бор чўллари,

Мушкга ботар тегса гар, муборак бир қўллари,

Терни ҳам хушбўй қилар, йўқдан бор қилган АЛЛОҲ.

205

Юрсалар гар боқсангиз, босиб турарсалобат,

Қадамларишижоат, лекинбордир ҳаловат,

Хулқларини улуғлаб, уммат айтар саловат,

Саловатга буюрган , Ўзи ҳам айтар АЛЛОҲ.

206

Давом этсаммақтовларга, сўзлартопилмас,

Сиз ўйламанг шунинг билан,Сано ёпилмас,

Саловатнилозим тутган, асло қоқилмас,

Ҳабибини севганларни, севганди АЛЛОҲ.

207

Инсу жинсдан бўлган уммат, бир тан бўлса ҳам,

Шаънларига марсияни, тинмайёзса ҳам,

Қуръондаги битта оят,қисқабўлса ҳам,

Барчақулдан, энгбуюк сўз, айтганди АЛЛОҲ.

208

Буюк Роббим зикрқилди,оятида аҳлоқидан,

Афзал қилди Ҳабибини, оламдабор махлуқидан,

Мусибатга шукр қилар, ҳарна келса Холиқидан,

“Сиз буюк хулқ узрасиз” деб, Мустафони севди АЛЛОҲ.


Жиззах шаҳар “ИМОМ БУХОРИЙ” 

                             Жомеъ масжиди, имом ноиби     

                    Ҳалилов Умиджон Абдуҳаким хожи ўғли

Муаллиф
islom.uz
Мавзуга оид мақолалар
2662. .Абдуллоҳ ибн Салом розияллоҳу анҳу айтадилар.Тавротда Муҳаммаднинг сифати ва Ийсо ибн Марям алайҳимуссаломнинг сифати ва Ийсонинг Муҳаммад соллаллоҳу давоми...

2599 20:53 / 18.11.2017
Мавлид ҳақида эътибор бериш керак бўлган нуқталарМавлид ҳақидаги тушунчамиз тугал бўлиши учун бу борадаги айрим хатоларни алоҳида таъкидлаб ўтиш муносибдир.1. давоми...

1924 05:00 / 09.03.2017
162Абу Толиб Маккага, жуда шошиб қайтарди,Набирага бир сўзни , қайта қайта айтарди,Посбонингман санинг деб, кўнглин хушнуд этарди,Боболари бир сабаб, асли давоми...

2021 10:58 / 05.12.2017
Ассалому алайкум, .Islom.uz, портали масъул ходимлари. Анчадан бери ўйлаб юрган ниятимни амалга ошириш мақсадида дил изхоримни ёзишга қарор қилдим.Пайғамбаримиз давоми...

1096 11:30 / 28.10.2019
Видеолар

790 18:00 / 21.12.2019

644 18:00 / 19.12.2019
Аудиолар

45044 11:58 / 10.10.2018
«Ҳилол» журнали
Топ рейтинг www.uz Openstat