1446 йил 14 муҳаррам | 2024 йил 20 июль, шанба
Минтақа:
ЎЗ UZ RU EN
Мавлид

Набий соллаллоҳу алайҳи васалламнинг уйқулари

19:28 / 01.12.2017 3293 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

2696. Анас розияллоҳу анҳудан ривоят қилинади:

«У киши бизга Набий соллаллоҳу алайҳи васалламнинг Каъба масжидидан исро қилдирилганлари ҳақида гапириб:

«У зотга ваҳий қилинишидан олдин уч нафар келди. У зот Масжидул Ҳаромда ухлаб ётар эдилар. Бас, уларнинг аввалгиси:

«У буларнинг қайси бири?» деди. Ўрталари:

«У буларнинг энг яхшисидир», деди. Охиргилари:

«Буларнинг энг яхшисини олингиз», деди. 

(Воқеа) шундай бўлган эди. Кейин у зот уларни то бошқа бир кечада, қалблари кўрадиган бўлгунларича кўрмадилар. 

Набий соллаллоҳу алайҳи васалламнинг кўзлари ухлар эди. Қалблари ухламас эди. Шунингдек, барча набийларнинг кўзлари ухлайди-ю, қалб­лари ухламайди. Бас, Жибрийл у зотни олиб, сўнгра бирга осмонга чиқиб кетди», деди». 

Шарҳ: Муҳаммад мустафо соллаллоҳу алайҳи васаллам пайғамбар бўлишларидан олдин Масжидул Ҳаромда амакилари Ҳамза ибн Абдулмуттолиб ва бош­қа бир амакиларининг ўғли Жаъфар ибн Абу Толиб билан ухлаб ётар эдилар. Шунда уч нафар фаришта – Жибрийл, Микоил ва Исрофил алайҳиссаломлар келдилар. Шунда Жибрийл алайҳиссалом:

«У буларнинг қайси бири?» деди».

Яъни «Муҳаммад бу ухлаб ётганларнинг қайси бири?» Бу саволга Микоил алайҳиссалом:

«У буларнинг энг яхшисидир», деб жавоб бердилар. 

Жавобни эшитгандан кейин Исрофил алайҳиссалом:

«Буларнинг энг яхшисини олингиз», деди».

Бундан Муҳаммад мустафо соллаллоҳу алайҳи васаллам пайғамбар бўлишларидан аввал ухлаб ётганларида ҳузурларига фаришталар келганини билмаганлари тушунилади.

Аммо у зотга ваҳий тушганидан кейин исро кечасида Жибрийл алайҳиссалом келганларини билганлар. Чунки

«Набий соллаллоҳу алайҳи васалламнинг кўзлари ухлар эди. Қалблари ухламас эди. Шунингдек, барча пайғамбарларнинг кўзлари ухлайди-ю, қалб­лари ухламайди».

Улар ўзларига ҳар лаҳзада келиб қолиши мумкин бўлган ваҳийни қабул қилиб олишга доим тай­ёр туришлари керак.

 

2697. Оиша розияллоҳу анҳодан ривоят қилинади:

«Эй Аллоҳнинг Расули! Витр ўқишдан олдин ухлайсизми?» дедим.

«Кўзим ухлайди. Қалбим эса ухламайди», дедилар».

Иккисини Икки шайх ривоят қилганлар. Аллоҳ олий ва билгувчироқдир.

 


Шайх Муҳаммад Содиқ Муҳаммад Юсуф  (ҳадис ва ҳаёт киТОБИДАН)

Муаллиф
islom.uz
Мавзуга оид мақолалар
Уламоларнинг таъкидлашича, Пайғамбаримиз алайҳиcсалом бошқа пайғамбарларга нисбатан ўнта фазилатга эга бўлганлар.1. Бошқа расуллар ва набийлар бу дунёни тарк давоми...

4410 17:41 / 25.11.2017
Маҳалли қиёмда кузатиладиган хатолар1. Маҳалли қиёмда туришни таъаббудий, диний амр деган тушунчага олиб келиш. Бу энг хатарли иш, энг ёмон бидъатдир. Бунинг давоми...

951 14:00 / 27.10.2021
Набий соллаллоҳу алайҳи васалламнинг кўксиларини ёриш2669. Анас розияллоҳу анҳудан ривоят қилинади.Расулуллоҳ соллаллоҳу алайҳи васаллам болалар билан ўйнаб давоми...

3974 20:39 / 26.11.2017
Мавлидни нишонлашАллоҳ таоло Қуръони Каримда марҳамат қилади Сен .Аллоҳнинг фазли ва раҳмати ила. Бас, ана шу билан хурсанд бўлсинлар.,, деб айтrdquo Юнус сураси, 59 давоми...

3909 20:49 / 02.12.2017
Аудиолар

124803 11:58 / 10.10.2018
«Ҳилол» журнали
Китоблар

45882 14:35 / 11.08.2021