1444 йил 16 муҳаррам | 2022 йил 13 август, шанба
Минтақа:
ЎЗ UZ RU EN
Мавлид

Набий соллаллоҳу алайҳи васалламнинг каломлари

19:16 / 01.12.2017 2527 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

2687. Оиша розияллоҳу анҳодан ривоят қилинади:

«Расулуллоҳ соллаллоҳу алайҳи васаллам гапни сизларга ўхшаб шошилиб гапирмас эдилар». 

Икки шайх ва Термизий ривоят қилганлар.

Термизий:

«Лекин у зот гапни бўлиб-бўлиб гапирар эдилар. Олдиларида ўтирган одам ёдлаб олар эди»ни зиёда қилган.

 

2688. Яна ўша кишидан ривоят қилинади:

«Набий соллаллоҳу алайҳи васаллам гапни шундай гапирар эдиларки, агар сановчи санаса, батаҳқиқ санай оларди».

Бухорий ва Абу Довуд ривоят қилганлар.

 

2689. Яна ўша кишидан ривоят қилинади:

«Расулуллоҳ соллаллоҳу алайҳи васалламнинг каломлари дона-дона эди. Уни эшитган ҳар бир киши фаҳмлар эди».

 

2690. Жобир розияллоҳу анҳудан ривоят қилинади:

«Расулуллоҳ соллаллоҳу алайҳи васалламнинг каломларида дона-доналик ва шошилмаслик бор эди».

Абу Довуд «Адаб»да ривоят қилган.

 

2691. Анас розияллоҳу анҳудан ривоят қилинади:

«Расулуллоҳ соллаллоҳу алайҳи васаллам тушунарли бўлиши учун сўзни уч марта такрорлар эдилар».

Термизий, Бухорий ва Аҳмад ривоят қилганлар.

Шарҳ: Албатта, бундай такрорлаш зарур бўлганида ва аҳамиятли нарсаларда бўлган.

 

Шайх Муҳаммад Содиқ Муҳаммад Юсуф

  (Ҳадис ва ҳаёт китобидан)


 

Муаллиф
islom.uz
Мавзуга оид мақолалар
Маҳалли қиёмда кузатиладиган хатолар1. Маҳалли қиёмда туришни таъаббудий, диний амр деган тушунчага олиб келиш. Бу энг хатарли иш, энг ёмон бидъатдир. Бунинг давоми...

469 14:00 / 27.10.2021
068Тангримсуйган заминидан, эл қутилди ғанимидан,Макка аҳли халос бўлди, душманни ноҳақ зулмидан,Лекин улар ғофил эди, Роббимни ғайб илмидан,Каъба аҳли мушрик аммо, давоми...

3712 12:10 / 23.11.2017
Маълумки, Хотамул Анбиё, Пайғамбарлар муҳри Муҳаммад соллаллоҳу алайҳи васаллам Рабиул аввал ойида дунёга келганлар. У зотнинг умматлари бўлганимиздан ва давоми...

4722 15:36 / 28.11.2017
Бисмиллаҳир Роҳманир РоҳимЎзининг сўнги Расулини оламларга раҳмат қилиб юборган Аллоҳ талога ҳамду санолар бўлсинИнсониятнинг саййиди, фахри коинот, Расулимиз давоми...

15304 05:00 / 14.03.2017
Аудиолар

86283 11:58 / 10.10.2018
«Ҳилол» журнали
Китоблар

15477 14:35 / 11.08.2021
Топ рейтинг www.uz Openstat