Фажр сураси, 2-оят
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
بِسْمِ اللّهِ الرَّحْمنِ الرَّحِيمِ
وَلَيَالٍ عَشْرٍ
Ва ўн кеча билан қасам. «Фажр» 2.
Бу «ўн кеча»дан мурод – зулҳижжа ойининг биринчи ўн кунлиги кечалари экани барча тафсирчиларимиз томонидан таъкидланган. Ўша муборак ўн кечанинг кундузларида мўмин-мусулмонлар ҳаж амаллари билан машғул бўладилар. Зулҳижжа ойининг биринчи ўн кунлиги йилнинг энг афзал кунларидир. «Саҳиҳи Бухорий» китобида зикр қилинган ҳадисда Набий соллаллоҳу алайҳи васаллам:
– Аллоҳ таоло учун ўша кунлардаги амали солиҳдан кўра маҳбуброғи йўқдир, – деганлар. Саҳобаи киромлар:
– Аллоҳнинг йўлидаги жиҳод ҳам-а? – деб сўрашганда, ул зот:
– Аллоҳнинг йўлидаги жиҳод ҳам. Бир киши ҳам жони, ҳам моли билан чиқса-ю, ундан бирор нарсаси қайтмаса, мустасно, – деганлар.
Баъзи бир уламоларимиз: «Ушбу оятдаги ўн кечадан мурод Рамазон ойининг охирги ўн кечаси, уларда Лайлатул қадр кечаси ҳам бор», – деганлар.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
