Нисо 162 оят
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
بِسْمِ اللّهِ الرَّحْمنِ الرَّحِيمِ
لَّكِنِ الرَّاسِخُونَ فِي الْعِلْمِ مِنْهُمْ وَالْمُؤْمِنُونَ يُؤْمِنُونَ بِمَا أُنزِلَ إِلَيكَ وَمَا أُنزِلَ مِن قَبْلِكَ وَالْمُقِيمِينَ الصَّلاَةَ وَالْمُؤْتُونَ الزَّكَاةَ وَالْمُؤْمِنُونَ بِاللّهِ وَالْيَوْمِ الآخِرِ أُوْلَئِكَ سَنُؤْتِيهِمْ أَجْرًا عَظِيمًا
«Нисо» 162. Лекин улардан илмда мустаҳкам бўлганлари ва мўминлари сенга нозил қилинган нарсага ва сендан олдин нозил қилинган нарсага иймон келтирурлар. Хусусан, намозни тўкис адо этувчилар ҳам. Шунингдек, закотни берувчилар, Аллоҳга ва охират кунига иймон келтирувчилар ҳам. Ана ўшаларга албатта буюк ажр берурмиз.
Илмда мустаҳкам бўлганларнинг иймон келтиришларининг таъкидланишида алоҳида аҳамият бордир. Ҳақиқий ва мустаҳкам илм эгалари ҳамиша иймонли бўладилар. Уларнинг илмлари шунга чорлайди. Илмсиз ва чаласавод кимсалар иймондан қочадилар, гарчи улар илм даъвосини қилсалар ҳам. Илм билан иймон бирга бўлганда эса катта яхшиликларга сабаб бўлади. Ана ўшалар Аллоҳнинг инояти ила намоз ўқувчи, закот берувчи, Аллоҳга ва охират кунига иймон келтирувчи мусулмонлар сафига қўшиладилар ҳамда Аллоҳ томонидан ҳаммалари учун тайёрлаб қўйилган улуғ ажрга эга бўладилар.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
