1446 йил 17 Рамазон | 2025 йил 17 март, душанба
Минтақа:
Тошкент
ЎЗ UZ RU EN
Кун ҳадиси

ИККИНЧИ ҲАДИС

15:22 / 28.05.2017 3660 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

ИККИНЧИ ҲАДИС

- عَنْ أَنَسِ بْنِ مَالِكٍ t قَالَ: نُهِينَا أَنْ نَسْأَلَ رَسُولَ اللهِ r عَنْ شَيْءٍ فَكَانَ يُعْجِبُنَا أَنْ يَجِيءَ الرَّجُلُ الْعَاقِلُ مِنْ أَهْلِ الْبَادِيَةِ فَيَسْأَلَهُ وَنَحْنُ نَسْمَعُ فَجَاءَ رَجُلٌ مِنْ أَهْلِ الْبَادِيَةِ فَقَالَ: يَا مُحَمَّدُ أَتَانَا رَسُولُكَ فَزَعَمَ لَنَا أَنَّكَ تَزْعُمُ أَنَّ اللهَ أَرْسَلَكَ قَالَ: صَدَقَ قَالَ: فَمَنْ خَلَقَ السَّمَاءَ قَالَ: اللهُ قَالَ: فَمَنْ خَلَقَ اْلأَرْضَ قَالَ: اللهُ قَالَ: فَمَنْ نَصَبَ هَذِهِ الْجِبَالَ وَجَعَلَ فِيهَا مَا جَعَلَ قَالَ: اللهُ قَالَ: فَبِالَّذِي خَلَقَ السَّمَاءَ وَخَلَقَ اْلأَرْضَ وَنَصَبَ هَذِهِ الْجِبَالَ آللهُ أَرْسَلَكَ قَالَ: نَعَمْ قَالَ: وَزَعَمَ رَسُولُكَ أَنَّ عَلَيْنَا خَمْسَ صَلَوَاتٍ فِي يَوْمِنَا وَلَيْلَتِنَا قَالَ: صَدَقَ قَالَ: فَبِالَّذِي أَرْسَلَكَ آللهُ أَمَرَكَ بِهَذَا قَالَ: نَعَمْ قَالَ: وَزَعَمَ رَسُولُكَ أَنَّ عَلَيْنَا زَكَاةً فِي أَمْوَالِنَا قَالَ: صَدَقَ قَالَ: فَبِالَّذِي أَرْسَلَكَ آللهُ أَمَرَكَ بِهَذَا قَالَ: نَعَمْ قَالَ: وَزَعَمَ رَسُولُكَ أَنَّ عَلَيْنَا صَوْمَ شَهْرِ رَمَضَانَ فِي سَنَتِنَا قَال:َ صَدَقَ قَالَ: فَبِالَّذِي أَرْسَلَكَ آللهُ أَمَرَكَ بِهَذَا قَالَ: نَعَمْ قَالَ: وَزَعَمَ رَسُولُكَ أَنَّ عَلَيْنَا حَجَّ الْبَيْتِ مَنِ اسْتَطَاعَ إِلَيْهِ سَبِيلاً قَالَ: صَدَقَ قَالَ: ثُمَّ وَلَّى قَالَ: وَالَّذِي بَعَثَكَ بِالْحَقِّ لاَ أَزِيدَنَّ عَلَيْهِنَّ وَلاَ أَنْقُصُ مِنْهُنَّ فَقَالَ النَّبِيُّ r: لَئِنْ صَدَقَ لَيَدْخُلَنَّ الْجَنَّةَ.

وَزَادَ فِي رِوَايَةٍ: فَقَالَ الرَّجُلُ آمَنْتُ بِمَا جِئْتَ بِهِ وَأَنَا رَسُولُ مَنْ وَرَائِي مِنْ قَوْمِي وَأَنَا ضِمَامُ بْنُ ثَعْلَبَةَ أَخُو بَنِي سَعْدِ بْنِ بَكْرٍ. رَوَاهُ الْخَمْسَةُ إِلاَّ أَبَا دَاوُدَ.

Анас ибн Молик розияллоҳу анҳудан ривоят қилинади: «Расулуллоҳ соллаллоҳу алайҳи васалламдан бирор нарсани сўрашдан наҳий қилинган эдик. Бизнинг бадавий аҳллардан бир оқил киши келиб, у зотдан савол сўраётганини эшитиб туришимиз қизиқ эди. Бас, бир куни аҳли бодиядан бир киши келди ва:

– Эй Муҳаммад! Бизга юборган элчинг сени, албатта, Аллоҳ юборганини даъво қилаётганинг­ни айтмоқда, – деди.

– Тўғри айтибди, – дедилар.

– Осмонни ким яратган? – деди у.

– Аллоҳ! – дедилар.

– Ерни ким яратган? – деб сўради.

– Аллоҳ! – дедилар.

– Мана бу тоғларни ким тиклаб қўйди ва улардаги нарсаларни пайдо қилди? – деди.

– Аллоҳ! – дедилар.

– Ундоқ бўлса, осмонни яратган, ерни яратган, ушбу тоғларни тиклаган Зот билан қасамки, сени Аллоҳ пайғамбар қилиб юбордими?! – деб сўради.

– Ҳа! – дедилар.

– Сенинг элчинг бир кеча-кундузда беш вақт намоз фарз эканини даъво қилди, – деди.

– Тўғри айтибди, – дедилар.

– Сени пайғамбар қилиб юборган Зот ила қасамки, буни сенга Аллоҳ буюрдими? – дес сўради.

– Ҳа! – дедилар.

– Сенинг элчинг бизга молу дунёмиздан закот фарз қилинганини даъво қилди, – деди.

– Тўғри айтибди, – дедилар.

– Сени пайғамбар қилиб юборган Зот ила қасамки, буни сенга Аллоҳ буюрдими? – деди.

– Ҳа! – дедилар.

– Сенинг элчинг ҳар йили Рамазон ойи рўзаси фарз қилинганини даъво қилди, – деди.

– Тўғри айтибди, – дедилар.

– Сени пайғамбар қилиб юборган Зот билан қасамки, буни сенга Аллоҳ буюрдими? – деди.

– Ҳа! – дедилар.

– Сенинг элчинг қодир бўлганларга Байтни ҳаж қилиш фарз қилинганини даъво қилди, – деди.

– Тўғри айтибди, – дедилар.

Сўнгра у киши:

– Сени ҳақ ила юборган Зотга қасамки, мана шуларга зиёда ҳам қилмайман, улардан кам ҳам қилмайман, – деб қайтиб кетди.

Пайғамбар соллаллоҳу алайҳи васаллам: «Агар ростгўй бўлса, албатта, жаннатга киради», дедилар».

Яна бир ривоятда: «У киши: «Сен келтирган нарсага иймон келтирдим. Мен ўз ортимдаги қавмимнинг элчисиман. Мен Бани Саъд ибн Бакр (қабиласи)дан Зимом ибн Саълабаман», деди», дейилган.

Имом Бухорий, Имом Муслим, Имом Насаий, Имом Термизийлар ривоят қилишган. 

Муаллиф
islom.uz
Мавзуга оид мақолалар
Абдуллоҳ ибн Шиххир розияллоҳу анҳудан ривоят қилинади.Набий соллаллоҳу алайҳи васаллам ҳузурларига борсам, у зот .Алҳакумут такосуру, сурасини ўқиётган эканлар. давоми...

3044 07:15 / 09.08.2018
. ,. . Анас ибн Молик розияллоҳу анҳудан ривоят қилинади.Набий соллаллоҳу алайҳи васаллам .Умматим мисоли ёмғир кабидир, унинг аввали яхшими ё охири, билинмас,, дедилар,.Термизий ва Аҳмад ривоят қилганлар.

1325 09:56 / 27.07.2019
Али розияллоҳу анҳудан ривоят қилинади .Донни ёрган ва жонни халқ қилган Зот билан қасамки, Набий соллаллоҳу алайҳи васаллам менга мени фақат мўмингина яхши давоми...

3130 21:29 / 19.04.2017
. ,. . Анас ибн Молик розияллоҳу анҳудан ривоят қилинади.Набий соллаллоҳу алайҳи васаллам .Жаннатда бир дарахт бор, отлиқ унинг соясида юз йил юриб ҳам уни кесиб ўта олмайди,, дедилар,.Бухорий ривоят қилган.

2459 08:19 / 31.08.2019