1440 йил 19 зулқаъда | 2019 йил 22 июль, душанба
Минтақа:
ЎЗ UZ RU EN AR
Савол жавоб

Мискин

17:44 / 02.05.2017 2361 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Савол:

Мухтарам Шайх ҳазратлари. Мискин деб кимни айтилади, яъни мискиннинг шаръий меъзонлари борми. Бугунги замонамизда кимларни мискин десак бўлади.

Жавоб:

Шайх Муҳаммад Содиқ Муҳаммад Юсуф

 Буни баён қилинганига кўп бўлган. Китоб ўқимаганингиз учун билмайсиз ва менинг вақтимни исроф қиласиз. Ўзим бир неча йиллар олдин ёзган нарсани ўзим излаб сизга топиб беришим керак бўлади. Сиз эса ўзингиз учун керак бўлган нарсани топиб ўқишга эринасиз. 

Абу ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:

«Одамлар атрофида айланиб бир луқма, икки луқма ёки бир хурмо, икки хурмо олиб қайтадиган мискин эмас. Лекин мискин ўзини беҳожат қиладиган бойлик топа олмаган, унга эътибор берилиб садақа қилинмайдиган, ўзи туриб одамлардан сўрамайдиган кишидир», дедилар». 

Бешовларидан фақат Термизий ривоят қилмаган. 

Ушбу ҳадиси шарифда Пайғамбаримиз соллаллоҳу алайҳи васаллам мусулмон киши ноилож ҳолда мискинликка учраб қолганида ҳам ўзини қандай тутиши лозимлигини баён қилмоқдалар. 

Аслида мусулмон одам мискин, фақир-камбағал бўлиши керак эмас. Қўлидан келган барча ҳалол имкониятларни ишга солиб, ўзини ўзи таъминлаб фаровон турмуш кечиришга интилиши лозим. Бу мусулмонга фарз. Аммо дунё бир хил турмайди, турли ҳодисалар рўй беради, инсон хоҳлаган нарса бўлавермайди. Ана шу сабабга кўра танг ҳолатга тушиб қолган мусулмон ҳам ўзини бардам тутиши керак. Одамлар унинг бу ҳолини билиб қолмаслиги керак. Дарҳол бировлардан ёрдам, садақа сўрашга шошилиш яхши эмас. Ўзини ана шундоқ тутган одам мискин бўлади. Бошқа мусулмонлар уларни қидириб топишлари, закотга ҳақдор санаб, ҳақларини топширишлари лозим. 

Одамлардан хиралик ила нарса сўраб юриш, бир-икки луқма учун ҳам тиланишдан қайтмаслик тиланчининг иши. Тиланчилик эса, мусулмонликда қоралангандир. Тиланчи шу йўл билан ҳожатини чиқарса, мискин ўзи сўрамагани учун кишилар унинг ҳолидан хабардор бўлиб турадилар. 

ҳанафий мазҳаби таърифида, мискин ҳеч нарсаси йўқ, фақир еса баъзи нарсалари бор-у, лекин моли шаръий нисобга етмаган одамдир. Бошқача қилиб айтадиган бўлсак, закот бериши вожиб бўлмаган одамдир. 

Муаллиф
islom.uz
Мавзуга оид мақолалар
СаволҲадис ва Ҳаёт китобида келтирилган ҳадис 694 Ибн Умар розиёллоху анҳумо ривоят қиладилар Набий саллолоху алаҳи вассалам етти жойда намоз ўқишни наҳий давоми...

2545 05:34 / 07.07.2017
Ассалому алайкум Тахорат ва ғусл сувига қўл теккизса сув тахоратга яроқсиз бўлиб қолади деб эшитганман, шу ростми Ғусл олаётган пайтда челакдаги сувга бадандан давоми...

757 10:38 / 15.12.2018
СаволАссалому алайкум Менинг онам 62 ёшда. Хаж зиёратига ёлғиз ўзи махрамсиз борса бўладими Шундай фатво бор деб эшитдим.ЖавобquotЗикр аҳлидан сўрангquot ҳайъати Ва давоми...

2729 08:00 / 10.08.2018
Ҳар йили онамизнинг вафот этган кунларида у киши яшаган уйда тўпланиш одатимиз бор эди. Лекин яқинда бир танишимиз .Ўлган кунда йиғилиш Исломга хос нарса эмас,, давоми...

1706 18:38 / 24.04.2016
Топ рейтинг www.uz Openstat