1444 йил 19 зулқаъда | 2023 йил 08 июнь, пайшанба
Минтақа:
ЎЗ UZ RU EN
Уламолар

ИМОМ БАЙҲАҚИЙ

21:59 / 27.04.2017 3442 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аҳмад ибн Ҳусайн ибн Али Абдуллоҳ ибн Мусо Байҳақий ал-Хусравжирдий 384 сана Шаъбон ойида тавваллуд топдилар. Ҳофиз, Шофеъий мазҳабининг фақиҳи, ҳар хил илмларнинг билимдони Имом ал-Байҳақий замондошлари орасида ягонаси эдилар. 

Имом ал-Байҳақий ал-Ҳасан Абу Абдуллоҳдан ҳадис илмида, Абу ал-Фатҳ Носир ибн Муҳаммад ал-Марвазийдан фиқҳ илмида кўп сабоқ олдилар. Кейинчалик ҳадис илми билан кўпроқ машғул бўлиб, машҳур муҳаддис сифатида таниладилар. Имом ал-Байҳақий ҳадис талабида Ироқ, Ҳижоз, Хуросон ва бошқа кўп юртларга сафар қилиб, жуда кўпчиликдан ҳадис эшитиб, тўплайдилар. Абу ал-Ҳасан Муҳаммад ибн ал-Ҳусайн ал-Улвий, Абу Абдуллоҳ ал-Ҳоким, Абу Тоҳир ибн Маҳмаш, Абу Бакр ибн Фаврок, Абу Али аз-Завзборий, Абдуллоҳ ибн Юсуф ибн Бонвайҳ, Абу Абдурраҳмон ас-Силмий, Ҳилол ибн Муҳаммад ал-Ҳуффор, Абу ал-Ҳусайн ибн Аҳмад ибн Фаррос, Жанноҳ ибн Назийр шулар жумласидандир. Имом ал-Байҳақий жуда кўп китоблар ёздилар. Бу китоблар 1000 мужалладга яқин деб ҳам айтилади.

Китоб ва таълифлари: «Исботи азоб ул-қабр», «Ал-Арбаъийн Аби Бакр ал-Байҳақий фил-ахлоқ (40 бобга бўлинган 100 ҳадисдан иборат китоб), «Ал-Интиқод ала аш-Шофеъий», «Баяну хатоин мин ахтои ала аш-Шофеъий», «Тарғийб ас-Солати», «Ал-Жамиъ ал-муснафи фии шуъаб ал-Иймон», (Бу китобга Имом ал-Байҳақийнинг ва Имом Муҳйиддин Муҳаммад ибн Ҳамвайҳ ва Шайх Жамолиддин ас-Суютийнинг шарҳлари бор), «Далоил ан-Нубувва» – Сирожидин Умар ибн Али ал-Мулаққаннинг шу китобга мухтасарлари бор, «Ас-Сунан ал-Кабийр ва ас-Сағийр» (Иброҳим ибн Али ибн Абдуллоҳ ад-Димашқий Шамсуддин Муҳаммад ибн Аҳмад аз-Заҳабий ва Абдулваҳҳоб ибн Аҳмад аш-Шаъроний мухтасар қилишган), «Китоб ал-асмои ва ас-сифаат», «Китоб ал-иътиқод ва ал-ҳидоя ила сабийл ал-иршод», (Имом Бурҳониддин Иброҳим ибн Умар ал-Бақоийнинг «Хайр аз-зод мин китоб ал-иътиқод» номли китоблари бор), «Китоб ма варода фии ҳаяти ан-анбия баъда вафатиҳим», «Ал-Мубассат фии фуруъ аш-Шафеъия», «Ал-Муҳит» (ҳадис илмида), «Маолим ас-сунан» – Фаҳруддин Абу ал-Ҳасан Исо ибн Иброҳим мухтасар қилганлар, «Маърифат ас-сунан ва ал-аасар», «Манаақиб ал-Имом Аҳмад ибн Муҳаммад ибн Ҳанбал» ва бошқалар.

Имом ал-Байҳақий ҳижратнинг 458 йили Нисабурда вафот этганлар.

Муаллиф
islom.uz
Мавзуга оид мақолалар
Фазилатли шайх Муҳаммад Содиқ Муҳаммад Юсуф раҳимаҳуллоҳнинг қаламларига мансуб асарлар, таржималар, ўзлари таълиф қилган долзарб мавзудаги китоблар барчамизга давоми...

2407 18:30 / 11.03.2022
Наманган шаҳрининг Ғунча мавзесида мўъжазгина бир масжид бор. Ушбу масжид фиқҳ илмининг билимдони Мулла Абдулқодир охунд шарафларига бунёд этилган. У зоти шариф давоми...

1255 19:48 / 12.12.2022
БисмиллаҳирРоҳманирРоҳиймПорлайпорлай тафти билан қалбларни иситган Қуёшим, қанисиз Наҳот ботган бўлсангизТўлишгандан тўлишиб камолга етган Тўлин Ойим, давоми...

4278 22:22 / 27.04.2017
Барча ҳамду сано ул Тангригаким, ўзига хос ва яқин бандаларининг дилларини қадим ва мўъжизали бўлган каломи шарифи билан хушнуд айлади ва дўсту ҳабибларини давоми...

3930 21:55 / 27.04.2017
Аудиолар

102051 11:58 / 10.10.2018
Фотолар

6328 09:50 / 18.04.2018
«Ҳилол» журнали
Китоблар

27578 14:35 / 11.08.2021