1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Савол жавоб

аёл киши ҳайз вақтида ўқий олмаган намозлари қазосини ўқиб бериши фарз

16:24 / 27.04.2016 2700 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассалому алайкум! Саволимиз шундан иборатки, аёл киши ҳайз вақтида ўқий олмаган намозлари қазосини ўқиб бериши фарзми?
Кўп манбаларда қазоси ўқилмайди, деб берилган, лекин Абдулазиз Мансур таржимасидаги Қуръони Каримнинг (2004 йил) Бақара сураси 222-оятига берилган изоҳда ҳайз пайтида ўқилмаган намознинг қазоси ўқиб берилади деб ёзилган.
Сиздан шу масалага ойдинлик киритиб беришингизни илтимос қилиб қоламиз.

ЖАВОБ: Бисмиллаҳир роҳманир роҳийм.
Саволингизга «Мухтасари Виқоя» матни ва унинг шарҳи ила жавоб бераман.
«Ҳайз намоз ва рўзани ман қилади.
Рўза қазо қилинади, намоз қазо қилинмайди».
Муоза розияллоҳу анҳодан ривоят қилинади.
«У киши айтадики, Оиша розияллоҳу анҳодан:
«Нимага ҳайз кўрган аёл рўзанинг қазосини тутади-ю, намознинг қазосини ўқимайди?» деб сўрадим.
«Нима, сен Ҳарурийямисан?!» деди.
«Мен Ҳарурийя эмасман, лекин сўраяпман», дедим.
«Ўша нарса бизда ҳам бўлар эди. Бас, рўзанинг қазосини тутишга амр қилинар эдик, намознинг қазосини ўқишга амр қилинмас эдик», деди». Бешовлари ривоят қилишган.
Рўза йилда бир марта фарз бўлади. Ҳайз кўрган аёл маълум кунларнинггина рўзасини қазо қилади. Шунинг учун рўза савобидан маҳрум бўлмаслиги юзасидан унинг қазосини тутади.
Намоз эса ҳар куни беш марта фарз, ҳайз кунларида қолдирилган намоз сони кўпайиб кетади. Бунинг устига аёл киши ҳар ойда ҳайз кўради. Бу ҳар ойда такрор машаққат дегани. Шунинг учун, ҳайз кўрган аёлдан намозни қазо қилиш талаб қилинмайди. Валлоҳу аълам.

Муаллиф
islom.uz
Мавзуга оид мақолалар
СаволШайх Ҳазратлари, Абдулқосим исми тўғримиЖавобШайх Муҳаммад Содиқ Муҳаммад ЮсуфНотўғри.

3169 15:25 / 12.02.2018
Савол Ассалому алайкум, ҳурматли Шайх Ҳазратлари Аллоҳ бизни ҳам илмимизни Сизникичалик зиёда қилсин, Сизга бўлса узоқ умр ва яна ҳам мартабангиз улуғ бўлсин давоми...

4202 21:08 / 22.04.2016
СаволАссалому алайкум Ман эркак киши қора кийим кийиши мумкинмас деб эшитдим, шу тўғримиЖавобquotЗикр аҳлидан сўрангquot ҳайъати Ва алайкум ассаломДинимизда бундай давоми...

5560 05:55 / 02.08.2018
Номаи аъмол неча ёшдан ёзилишни бошлайди ва фарзандларининг гуноҳларига отаоналар ҳам шерикмиларНомаи аъмол ёзишда ёш белги эмас, балки балоғатга етганлик давоми...

2954 14:49 / 26.04.2016
Аудиолар

118783 11:58 / 10.10.2018
«Ҳилол» журнали
Китоблар

40733 14:35 / 11.08.2021