Кишига дам солинса турмуш қуриши тезлашадими?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ: Халқимизда турмушга чиқиши кечикаётган ёки кеч уйланаётган ўғил-қизларни домлага олиб бориб ўқитиш урф бўлган. Шундай йўллар билан қурилган оила қанчалик мустаҳкам бўлиши мумкин? Кишига дам солинса турмуш қуриши тезлашадими?
ЖАВОБ: Бисмиллаҳир роҳманир роҳийм.
Турли омилларга кўра турмуш қуриши кечикаётган кишиларнинг борлиги ҳар бир жамиятда қадимдан мавжуд бир ҳолат.
Лекин буни дам солиб тезлатиб юбориш маъноси шариатда мутлақо йўқ. Пайғамбар соллаллоҳу алайҳи васаллам даврларида ҳам саҳобаи киромлар, тобеинлар, улуғ мужтаҳидлар, кейинги ўтган мусулмон авлодлар, илм аҳли тарафидан бирон ерда «турмуш қуриши кечикаётган ёшларга дам солса турмуш қуриши тезлашиб кетади» деган тушунча мутлақо бўлмаган. Бунақа дам солиш шариатда йўқ нарса, балки бундай пайтларда Аллоҳдан яхши бир оила сўраб, яхши умр йўлдош сўраб дуо қилиш, аҳли фазллардан дуо сўраш мумкин. Лекин «дам солса шунақа бўлади» деган тушунча мутлақо нотўғри гап. Бундай эъти-қодлардан четда бўлишимиз керак. Валлоҳу аълам.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
