“Шундай кийинаман” деса-ю, ота-она бунга қаршилик билдирса
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ: Агар Аллоҳга ишонувчи ота-онанинг қиз фарзанди Аллоҳ буюргандек сатрланишни истаса, яъни фақат юзи ва икки қўлининг билагидан очиқ бўлишини ҳоҳлаб “Шундай кийинаман.” деса-ю, ота-она бунга қаршилик билдирса, уларнинг қайси бири ҳақ ва шу вазиятда қандай йўл тутиш керак?
ЖАВОБ: Бу савол бир оз тушунарсизроқ. Чунки Аллоҳга ишонувчи ота-оналар шаръий кийим қандай бўлишини хусусан аёлларнинг кийими қандай бўлишини билишлари лозим. Қизлари мана шу маънода сатрда юришни истасалар, Аллоҳга хамд айтиб хурсанд бўлишлари лозим. Лекин фараз қилиб мана шу саволдаги ҳолат бўлди десак, шариат кўрсатган ишни қилган қиз тўғри қилган бўлади. Ва ана шу иш тўғри эканлигини эхтимол қариликлари сабабли, шариат аҳкомларини яхши ўргана олмаганликлари сабабли ота-оналарига одоб билан тушунтиришлари лозим. Агар Аллоҳнинг айтгани билан банданинг айтгани қарама қарши келиб қолса албатта Аллоҳнинг айтгани мақбул эканлигини ҳар бир мусулмон билиши лозим. Аллоҳ таоло айтганларимизни яхши тушиниб, амал қилишликни насиб айласин.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
