Бир дўстимнинг тўйида никох ўқилаётган домла келин-куёвнинг исмларини айтмасдан уларни никохла
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ: Бир дўстимнинг тўйида никох ўқилаётган домла келин-куёвнинг исмларини айтмасдан уларни никохлаб қўйди, яъни “куёвтура келинпошшани тан махрамликга қабул қилдингизми?” ва «келинпошша куёвтурага тан махрамликга розимисиз?” деб никох ўқилди. Мана шу жойда никох жоиз бўлдими?
ЖАВОБ: Келин-куёвни номини айтиш бизда доимий равишда домлалар тарафидан килиб келинган нарса, лекин бу ҳолатни синчковлик билан ўрганиш керак. Ўша домла нима учун айтмадилар, эхтимол икки тараф бир-бирига танишлиги учундир, эхтимол Яна вакиллар томонидан айтилган бўлиши мумкиндир. Аслида эса Исломда бир-бирини танимайдиган бўлса, бир-бирини номини билмаса ва рози бўлмаса никох дуруст бўлмайди. Балки куёв келинни ижоб ва кабул пайтидаги розиликларини баён килувчи овозини хам куёв-келин бир бирлариникини эшитиши хамда гувохлар хам розилик сўзларини эшитишлари, овозларини эшитишлари лозим. Ана шу маънода бизда номини айтиб, сўраб, тасдиклаб икки тарафдан розилик олиш йўлга кўйилган. Албатта буни имом, домлаларимиз келажакда эътиборга олишади деган умиддамиз. Лекин бу саволдаги никохни жоизми ёки йўкми айта олмаймиз.Чунки бу жуда нозик нарса буни алохида ўрганиб, тадкик килиб кейин бир нима дейиш мумкин. Биз эса шариатда келадиган коидалар билан чегараландик.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
