Шаҳватни сунъий қондириш гуноҳми?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бир биродаримиз чидай олмасдан азл қиляпти. Гуноҳлигини билиб туриб, нафсининг кўйига кириб шундай қиляпти. Бу киши уйлана олмай юрибдилар. Ҳатто рўза ҳам тутяптилар, лекин барибир фойдаси бўлмаяпти экан. Уларга қандай насиҳатингиз бор ва нима қилишни тавсия қиласиз? Азл ҳақида ҳам озгина тушунча берсангиз.
ЖАВОБ: Назаримда, сиз уруғни ташқарига тўкиш билан шаҳватни сунъий равишда қондиришни адаштираётганга ўхшайсиз. Эркакнинг бола бўлиб қолишининг олдини олиш мақсадида жинсий алоқа сўнгида уруғни ташқарига тўкиши «азл» дейилади. Киши шаҳватини қўл билан сунъий равишда қондириши эса диний адабиётда «истимно», ажнабий адабиётда «онанизм» деб аталади. Онанизмнинг хавфли тарафи шаҳватни сунъий тарзда қондириш оқибатида турли тузалмас касалликларга дучор бўлиниши мумкин. Асарларда бу иш “қўлини никоҳлаш” дейилган ва бунинг гуноҳлиги таъкидланган. Ҳозирги тиб илми бу иш билан шуғулланганлар жинсий заиф бўлиб, бу борада яроқсиз бўлиб қолишини исботлаган. Биродарингиз рўза тутишда давом этиб, уйланиш чорасини ахтарсин. Сизлар бунда у кишига ёрдам беринглар (Аллоҳ билувчидир).
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
