Танловга: Рамазонни соғиниб
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Узоқдан бўйларинг кўринса сени
Типирлаб боладай қувонай шодон
Ўн ойдан ортиқ хумор қилдирдинг
Ҳушбўйингга мени моҳи рамазон!
Севинчим ичимга сиғмай кетйапти
Таърифга мухтожмас ушбу жараён
Сен келиб оҳларим етса самога
Қалб қўрим, юрагим оҳи рамазон!
Хар ерда Аллоҳнинг каломи улуғ
Тиловат бошланиб, ҳам хатми қуръон
Тиллар зикир қилар, қулоқлар сомеъ
Қорию қурролар боғи рамазон!
Кўзлар тийилади, ҳамма рўзадор
Дуолар ижобат этади Раҳмон
Қўл очсак дуога “омин” деяқол
Қолмасин қалбларнинг доғи рамазон!
Шайтонлар қувилиб, кишанланади
Жаҳаннам оловлари сўнади осон
Қанчалар ғаниматсан билсанг бизларга
Раҳмат, мағфират тоғи рамазон!
На хат бўлди тартиб, на бир қофия
На қалам ўткирроқдир, на тиллар бийрон
Маъзур тут мени ушбу сатрда
Сени махтай олмадим чоғи рамазон!
Ўн ойдан ортиқ хумор қилдирдинг
Ҳушбўйингга бизни моҳи рамазон!
Музаффар Муҳаммадзода
Тошкент 2014 йил.
Ramazonni sog’inib!
Uzoqdan bo’ylaring ko’rinsa seni
Tipirlab boladay quvnay shodon
O’n oydan ortiq xumor qildirding
Hushbo’yingga meni mohi ramazon!
Sevinchim ichimga sig’may ketyapti
Ta’rifga muxtojmas ushbu jarayon
Sen kelib ohlarim yetsa samoga
Qalb qo’rim, yuragim ohi ramazon!
Xar yerda Allohning kalomi ulug’
Tilovat boshlanib, ham xatmi qur’on
Tillar zikir qilar, quloqlar somi’
Qoriyu qurrolar bog’i ramazon!
Ko’zlar tiyiladi hamma ro’zador
Duolar ijobat etadi Rahmon
Qo’l ochsak duoga “omin” deyaqol
Qolmasin qalblarning dog’i ramazon!
Shaytonlar quvilib, kishanlanadi
Jahannam olovlari so’nadi oson
Qanchalar g’animatsan bilsang bizlarga
Rahmat, mag’firat tog’i ramazon!
Na hat bo’ldi tartib, na bir qofiya
Na qalam o’tkirroqdir, na tillar biyron
Ma’zur tut meni ushbu satrda
Seni maxtay olmadim chog’i ramazon!
O’n oydan ortiq xumor qildirding
Hushbo’yingga bizni mohi ramazon!
Muzaffar Muhammadzoda
Toshkent 2014-yil.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
