Бир сурани икки ракатда қайта ўқиш жоиз
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Жуҳайналик бир кишидан ривоят қилинади:
«У киши Набий соллаллоҳу алайҳи васалламнинг Бомдод намозида «Иза зулзилатил Арзу» сурасини икки ракатда ҳам ўқиганларини эшитган экан.
«Билмадим, Расулуллоҳ соллаллоҳу алайҳи васаллам унутдиларми ёки қасддан қилдиларми», дейди».
Абу Довуд ривоят қилган.
Шарҳ: Жуҳайна арабларнинг машҳур қабилаларидан. Саҳобийнинг номи маълум бўлмаса ҳам ҳадиси қабул қилинаверади. Чунки саҳобаи киромлар ҳаммалари одилдирлар.
Ушбу ривоятдан бир сурани икки ракатда қайта-қайта зам қилса жоизлиги чиқади. Чунки ножоиз бўлса, Набий соллаллоҳу алайҳи васаллам қилмас эдилар. У киши қилсалар ҳам, Аллоҳ таоло тўғрилар эди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
