Инсон тавозеъ ва ожизлигини изҳор қилсин
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳакимул уммат, Мавлоно Ашраф Али Таҳонавий қуддиса сирруҳ бир улуғ кишининг куйидаги воқеасини ёзадилар:
«Бир куни бир сабаб билан оғзидан ушбу гап чиқиб кетди:
«Эй Аллох! Сендан бошқа бирор нарсада менга роҳат йўқ. Бас, қандай хоҳласанг, мени шундай синаб кўр» (Аллоҳ сақласин!). Гуёки, у Аллох таолони синаб кўришга чорлади. Оқибати шундай бўлдики, унинг пешоби тўхтаб қолди. Қовуғи пешобга тўлиб кетди. Лекин чиқиб кетиши учун йўл йўқ. Бир неча кун шундай ўтди. Охири, оғзидан оғир сўз чиқиб .. кетганини тушуниб етди. Бу улуғ кишининг олдига ёш болалар ўқиш учун келар эди. Шу ҳолатида беморликдан халос бўлиш учун ўша болаларга: «Ёлғончи, каззоб амакингиз ҳаққига дуо қилинглар», дер эди. Чунки, у ёлғон даъво қилган эди. Аллох таоло унга кўрсатиб қўйдики, Сендан бошка нарсада роҳат йўқ, деб даъво қиласан. Эй банда, ҳатто пешобда ҳам роҳат бор! Аллоҳ таоло олдида баҳодирлик кетмайди. Инсон доим тавозеъ ва ожизлигини изҳор қилиб туриши керак.
«Насиҳатлар гулдастаси» китобидан
Ушбу китоб Ўзбекистон Республикаси Дин ишлари бўйича қўмитанинг 2022 йил 4 апрелдаги 02-07/ 2234-рақамли ва 2023 йил 23 мартдаги 03-07/ 1912-рақамли хулосалари асосида тайёрланди.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
