«Ҳанафий мазҳабида ҳадислардан ҳукм олиш услублари» мавзусида малака оширилди
Юртимизда диний-маърифий соҳада малака ошириш ва қайта тайёрлаш институтида «Ҳанафий мазҳабида ҳадислардан ҳукм олиш услублари» мавзусида тўрт ҳафталик ўқув дарслари ўтказилди.
Дарслар Иорданиядаги Ислом илмлари халқаро университети профессори (WICE), ҳанафий фиқҳи факультети мудири, шайх Салоҳ Муҳаммад Солим Абул Ҳаж ҳазратлари томонидан берилди. Тўрт ҳафта давомида юртимиздаги имом-домлалар, диний соҳа вакиллари малака ошириш дарсларида қатнашдилар. Дарс машғулотлари жараёнида ҳадисларнинг мазҳабдаги ўрни, уларни тўғри тушуниш масалалари кенг муҳокама қилинди. Имом-хатибларнинг бир нечта фиқҳий саволларига жавоблар берилди.
Аввалги уч дарсда ҳадисларга амал қилишнинг назарий масалалари баён этилган бўлса, охирги дарсда ҳадисларга тааллуқли бўлган, турли саволларга сабаб бўладиган 17 та ҳукм танлаб олиниб, шу мавзуга алоқадор ҳадислар ўрганиб чиқилди. Давра сўнггида келажакда бундай дарслар давом эттирилиши борасида режалар қилинди.
«Ҳанафий мазҳабида ҳадислардан ҳукм олиш услублари»га доир ўқув машғулотлари муваффақиятли якунланиб, дуои хайрлар қилинди.
Манба: @hanafiyfakulteti
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
