Бойлар билан ҳаммажлис бўлишдан эҳтиёт бўлиб, мискинлар билан кўп ўтириш | Ўн еттинчи ҳақ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бойлар билан ҳаммажлис (улфат, яқин) бўлишдан эҳтиёт бўлиб, мискинлар билан кўп ўтириш.
Чунки ҳикмат ва ахлоқ китобларида бойлар, яъни мол-давлати охиратларидан чалғитиб қўйган кимсалар билан улфат бўлиш қалбни ўлдириши ҳақида кўплаб огоҳлантиришлар бор. Пайғамбар соллаллоҳу алайҳи васаллам: “Аллоҳим! Мени мискин қилиб яшатгин, мискин қилиб вафот эттиргин ва мискинлар жамоаси билан қайта тирилтиргин”, деб дуо қилганлар.
Мусо алайҳиссалом: “Ё Аллоҳ, мен Сени қаердан ахтарайин?” деганларида, Аллоҳ таоло: “Мен туфайли қалблари синиқ бўлганлар олдидан (ахтар)”, деб ваҳий қилган экан.
Жаъфар ибн Абу Толиб розияллоҳу анҳу мискинларни яхши кўриб, улар билан кўп ўтирар, бирга ҳамсуҳбат бўлардилар. Расулуллоҳ соллаллоҳу алайҳи васаллам унга “Мискинларнинг отаси (ғамхўри)” деб куня қўйган эдилар.
Абдулҳамид Зайриевнинг “Мусулмоннинг ҳақ ва вазифалари” китобидан
Ўзбекистон Республикаси Дин ишлари бўйича қўмитанинг 2023 йил 16 январдаги 03-07/184-сонли хулоса хати асосида тайёрланди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
