Ёмонлардан омонда бўлиш учун улар билан мадора қилиш | Ўн олтинчи ҳақ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ёмонлардан омонда бўлиш учун улар билан мадора қилиш (меҳрибонлик ила муносабатда бўлиш, илтифот кўрсатиш).
Оиша розияллоҳу анҳо онамиздан ривоят қилинади: “Бир одам Расулуллоҳ соллаллоҳу алайҳи васалламнинг ҳузурларига кириш учун рухсат сўради. Шунда (у зот): “Унга (киришга) рухсат беринглар. У уруғнинг қандаям ёмон биродари (ёки ўғлони)”, дедилар. Ҳузурларига киргач эса унга мулойим гапирдилар (Ҳатто Расулуллоҳ соллаллоҳу алайҳи васаллам наздларида унинг алоҳида ўрни бор деб ўйладим). Чиққанидан кейин: “Эй Аллоҳнинг Расули, (бироз олдин) у ҳақда айтадиганингизни айтдингиз, кейин эса унга мулойим гапирдингиз-а?” – дедим. У зот: “Эй Оиша, (қиёмат кунида Аллоҳ таоло наздида) одамларнинг энг ёмони ёмонликларидан қўрқиб, одамлар уни тарк этган одамдир”, дедилар”.
Абдулҳамид Зайриевнинг “Мусулмоннинг ҳақ ва вазифалари” китобидан
Ўзбекистон Республикаси Дин ишлари бўйича қўмитанинг 2023 йил 16 январдаги 03-07/184-сонли хулоса хати асосида тайёрланди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
