Хатми Қуръонга марҳабо!
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бугун, 2025 йил 26 март оқшомида, 1446 йил Рамазон ойининг йигирма еттинчи кечасида юртимиздаги барча жомеларида бўлгани каби «Шайх Муҳаммад Содиқ Муҳаммад Юсуф» жоме масжидида ҳам Қуръони Карим хатмонаси ниҳоясига етказилади.
Барча азизларимизни қориларимизнинг гўзал тиловатларидан баҳраманд бўлишга, Қуръони Карим хатмининг якунини биргаликда тинглаб, хатми Қуръон дуосида ҳозир бўлишга таклиф қиламиз.
Жамоатдаги биргина кишининг «омин»и сабабли дуолар қабул бўлиб қолиши ҳеч гап эмас. Хатми Қуръон чоғида мухлис мўмин кишиларнинг ҳозир бўлиши файз устига файз, Қуръоннинг эъзози, тантанаси бўлади.
Бу ғанимат онларда, хатми Қуръондан кейинги дуоларнинг мустажоб бўлишидан, Қадр кечасида қилинган тавба-тазарруларнинг қабул бўлишидан умидвор бўлган ҳолда, чин қалбдан, холис дуолар қилиб, барча ўтганларимизнинг руҳларини шод қилайлик, юртимизга, бутун дунёга тинчлик-хотиржамлик тилайлик, барча эзгу тилакларимизни сўраб, Аллоҳ таолога ёлворайлик.
Аллоҳ таоло Рамазон ойида қилинган барча тоат-ибодатларни, хатми Қуръонларни ҳусни қабул айлаб, Рамазондан ҳаловат билан чиқишимизни, хотиржамлик топишимизни, дуоларимиз ижобат бўлишини насиб этсин, Қуръонни қалбимиз баҳори қилсин!
Қадр кечасидаги Қуръон хатмонаси Тошкент вақти билан соат 20:30 да бошланади.
Манзил: https://yandex.uz/maps/-/CDR8R0pH
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
