Ҳанафий мазҳабида намозда «Бисмиллаҳ» махфий ўқилади | Ҳадис дарслари (318-дарс)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
عَنْ أَنَسٍ رَضِي اللهُ عَنْهُ قَالَ: صَلَّيْتُ مَعَ رَسُولِ اللهِ صَلَّى اللهُ عَلَيْهِ وَسَلَّمَ وَأَبِي بَكْرٍ وَعُمَرَ وَعُثْمَانَ فَلَمْ أَسْمَعْ أَحَدًا مِنْهُمْ يَقْرَأُ بِسْم اللهِ الرَّحْمَنِ الرَّحِيمِ. رَوَاهُ الْخَمْسَةُ. وَلَفْظُ النَّسَائِيِّ: صَلَّى بِنَا رَسُولُ اللهِ صَلَّى اللهُ عَلَيْهِ وَسَلَّمَ فَلَمْ يُسْمِعْنَا قِرَاءَةَ بِسْم اللهِ الرَّحْمَنِ الرَّحِيمِ.
Анас розияллоҳу анҳудан ривоят қилинади:
«Расулуллоҳ соллаллоҳу алайҳи васаллам, Абу Бакр, Умар ва Усмон розияллоҳу анҳум билан намоз ўқидим. Улардан бирортасининг «Бисмиллаҳир роҳманир роҳийм»ни ўқиганини эшитмадим», дедилар».
Бешовлари ривоят қилганлар.
Насаийнинг ривоятида:
«Расулуллоҳ соллаллоҳу алайҳи васаллам намозга ўтдилар ва бизга «Бисмиллаҳир роҳманир роҳийм» қироатини эшиттирмадилар», дейилган.
Шарҳ: Шунинг учун ҳам Ҳанафий мазҳабида «Намозда «бисмиллаҳ» махфий ўқилади», дейилади.
عَنِ ابْنِ عَبَّاسٍ رَضِي اللهُ عَنْهُ قَالَ: كَانَ النَّبِيُّ صَلَّى اللهُ عَلَيْهِ وَسَلَّمَ يَفْتَتِحُ صَلَاتَهُ بِبِسْم اللهِ الرَّحْمَنِ الرَّحِيمِ. رَوَاهُ التِّرْمِذِيُّ وَالْحَاكِمُ وَالدَّارَقُطْنِيُّ.
Ибн Аббос розияллоҳу анҳудан ривоят қилинади:
«Набий соллаллоҳу алайҳи васаллам намозларини «Бисмиллаҳир роҳманир роҳийм» билан очар эдилар».
Термизий, Ҳоким ва Дора Қутнийлар ривоят қилганлар.
Шарҳ: Ҳанафий мазҳаби бу ривоятдаги «Бисмиллаҳ»ни ҳам ичида ўқиш, деб олган. Шофеъийлар эса овоз чиқариб ўқиш, деб олганлар. Улар «Бисмиллаҳ»ни оят ҳисоблаб, намозда сурага қўшиб, овоз чиқариб ўқийдилар.
Бошқа мазҳабдагилар бу ҳолни кўрганда хато деб тушунмасликлари ёки ажабланмасликлари керак.
«Ҳадис ва ҳаёт» китобининг 4-жузи асосида тайёрланди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
