Тошкент ислом институтида конференция ўтказилади
2025 йил халқаро ва республика миқёсида ўтказиладиган илмий ва илмий-техник тадбирлар режалари тасдиқланди.
Олий таълим, фан ва инновациялар вазирининг 2024 йил 27 декабрдаги 490-сон буйруғига асосан 2025 йилда 252 та ташкилот томонидан 665 та халқаро ва 600 та республика миқёсида, жами 1265 та илмий ва илмий-техник тадбир ўтказилиши режалаштирилган.
Эътиборлиси, мазкур рўйхатда Тошкент ислом институти кафедралари томонидан таклиф этилган конференциялар мавзулари ҳам киритилган.
Жорий йил 24 апрелда “Ислом дини асл манбаларини талқин қилишдаги ёндашувлар: муаммо ва ечимлар” мавзусида халқаро ва 30 октябрда “Долзарб ақидавий ва замонавий фиқҳий масалалар” мавзусида республика миқёсидаги конференция Тошкент ислом институтида ўтказилади.
Халқаро миқёсда ўтказиладиган илмий тадбирлар рўйхати
Республика миқёсда ўтказиладиган илмий тадбирлар рўйхати
Манба: @ilmiy_darajali_kadrlar
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
