Билингай
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Не савдо, не бир кунлар
Тушар бўлса бу бошга,
Кимнинг қандай дўст, душман
Ошнолиги билингай.
Ногаҳон музтар бўлсанг
Ёт ёки қариндошга,
Қай бирининг ҳамдард, эш,
Риёлиги билингай.
Беллашув пайти келса
Ногоҳ нобакор билан,
Бадкирдор, беандиша
Бир бебурд, беор билан,
Ҳамият, ҳимоятсиз
Дилхун, дилозор билан
Майдонда кимнинг тенгсиз,
Танҳолиги билингай.
Яхшининг ёруғ куни
Тун билан туташмасин,
Манзилга етмай туриб
Узлатга ёндашмасин.
Карвон ҳам ўз йўлидан
Айрилиб, адашмасин.
Йўл бошида йўлнинг оқ-
қаролиги билингай.
Синалар бўлса магар
Кимда-ким майдон ичра.
Ҳамнафас, ҳамдардликда
Элу юрт, ёрон ичра,
Ким андалиб, ким тўти,
Ким саъва чаман ичра.
Сор ё ҳаққуш, булбули
Гўёлиги билингай.
Магар сарбон йўл туриб
Йўл бошласа қайларга,
Бадкирдор, беандиша
Бир бебурд, беор билан,
Ҳамият, ҳимоятсиз
Дилхун, дилозор билан
Майдонда кимнинг тенгсиз,
Танҳолиги билингай.
Айланар бўлса кунлик
Йўллар ҳафта, ойларга,
На манзил, на муродсиз –
Борса келмас жойларга,
Фурсат ўтмай бахтининг
Сиёлиги билингай.
Ким дарё бўлса қуриб
Кераксиз сой бўлмасин,
Юлдуз бўлса бир ботиб,
Бир чиқар ой бўлмасин.
Учқурликда қарчиғай
Бўлсин, ҳумой бўлмасин,
Фозилларнинг ҳар ерда
Зиёлиги билингай.
Яхшининг ёруғ куни
Тун билан туташмасин,
Манзилга етмай туриб
Узлатга ёндашмасин.
Тўра Сулаймон
«Ҳилол» журнали 4(61) сон
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
