Қуръони Каримда белгиланган улушлар ва фарз улушлар
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Қуръонда зикр қилинган улушларнинг адади
Ҳақдорларнинг мерос олиш шартлари
Мероснинг ярмига ҳақдорлар
Тўртдан бирга ҳақдорлар
Саккиздан бирга ҳақдорлар
Учдан иккига ҳақдорлар
Учдан бирга ҳақдорлар
Олтидан бирга ҳақдорлар
Икки Умария масаласи
Қуръонда белгиланган фарз улушлар
Қуръони Каримда белгиланган фарзлар (мерос олинадиган улушлар) олтита бўлиб, улар икки турга бўлинади.
Биринчи тур уч хил:
1. Ярим (½);
2. Тўртдан бир (¼);
3. Саккиздан бир (⅛).
Ушбу уч хил улуш биринчи тур деб номланиб, уларнинг махражи бир-бирига бўлинади.
Иккинчи тур ҳам уч хил:
1. Учдан икки (⅔);
2. Учдан бир (⅓);
3. Олтидан бир (1/6).
Ушбу уч хил улуш иккинчи тур деб номланиб, уларнинг ҳам махражи бир-бирига бўлинади.
Бу улушларни икки хил йўл билан билиш мумкин:
1. Юқоридан пастга тушиш йўли билан. Бунда фарзлар баён қилиниб, ярим; яримнинг ярми (тўртдан бир); яримнинг ярмининг ярми (саккиздан бир); учдан икки; учдан иккининг ярми (учдан бир) ва учдан иккининг ярмининг ярми (олтидан бир), дейилади.
2. Пастдан юқорига чиқиш йўли билан. Бунда саккиздан бир; унинг икки баравари (тўртдан бир); (саккиздан бирнинг) икки бараварининг икки баравари (ярим); олтидан бир; унинг икки баравари (учдан бир) ва икки бараварининг икки баравари (учдан икки) дейилади.
«Ислом шариатида мерос илми» китобидан
Ушбу китоб Ўзбекистон Республикаси Дин ишлари бўйича қўмитанинг 2021 йил 24 августдаги 03-07/5163-рақамли ҳамда 2022 йил 27 сентябрдаги 03-07/7348-рақамли хулосалари асосида тайёрланган.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
