Рўйхатни беркитиш
Дарслар рўйхати
1446 йил 25 Рамазон | 2025 йил 25 март, сешанба
Минтақа:
ЎЗ UZ RU EN
Сийрат

Саҳарликда албатта барака бор | Сийрат дарслари (290-дарс)

19:00 / 12.07.2024 1213 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

456. Нубайша Ҳузалий розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Ташриқ кунлари еб-ичиш ва Аллоҳнинг зикри кунларидир», дедилар».

Муслим ривоят қилган.

457. Умму Ҳонеънинг мавлоси Абу Муррадан ривоят қилинади:

«У Абдуллоҳ ибн Амр билан унинг отаси Амр ибн Оснинг олдига кирди. Шунда у (Амр ибн Ос) икковига таом қўйди ва (Абу Муррага) «Е», деди. «Мен рўзадорман», деди у. Шунда Амр: «Е! Расулуллоҳ соллаллоҳу алайҳи васаллам бизга бу кунлари оғзимиз очиқ юришга буюрар ва уларда рўза тутишдан қайтарар эдилар», деди».

Абу Довуд ва Ибн Хузайма ривоят қилишган.

458. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Бирингиз Рамазондан бир-икки кун олдин рўза тутмасин. Фақат бир кишининг одатидаги рўза бўлса, ўшани тутсин», дедилар».

Бухорий ва Муслим ривоят қилишган.

459. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васалламнинг: «Бирортангиз жума куни рўза тутмасин. Фақат ундан олдин ёки кейин тутсангиз, майли», деяётганларини эшитдим».

Бухорий ривоят қилган.

Бошқа ривоятда: «Набий соллаллоҳу алайҳи васаллам айтдилар: «Кечалар ичида жума кечасини бедорликка хосламанглар. Кунлардан жума кунини рўза тутишга хос қилманглар. Фақат бирингизнинг рўза тутадиган кунингиз бўлса, майли», дейилган.

Муслим ривоят қилган.

460. Анас ибн Молик розияллоҳу анҳудан ривоят қилинади:

«Набий соллаллоҳу алайҳи васаллам: «Саҳарлик қилинглар, саҳарликда албатта барака бордир», дедилар».

Бухорий ва Муслим ривоят қилишган.

Расулуллоҳ соллаллоҳу алайҳи васаллам» китобидан

Ушбу китоб Ўзбекистон Республикаси Дин ишлари бўйича қўмитанинг 2022 йил 30 ноябрдаги 03-07/9078-рақамли хулосаси асосида чоп этилган.

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Вазийн розияллоҳу анҳу ривоят қилади quotБир одам Жаноби Расулуллоҳ соллаллоҳу алайҳи васаллам ҳузурларига келди ва сўзлай бошлади quotЁ Расулуллоҳ Биз жаҳолат аҳли давоми...

4452 08:00 / 18.11.2018
Бугунги кунимизда бутун олам Муҳаммад алайҳиссаломнинг зотларига, сифатларига ва таълимотларига қанчалик муҳтож эканини ўтган асрнинг буюк ақл эгаларидан бири, давоми...

4275 18:43 / 28.04.2017
Анас розияллоҳу анҳудан ривоят қилинади.Набий соллаллоҳу алайҳи васаллам.Ким намозимизни ўқиса, қибламизга юзланса ва сўйган гўштимизни еса, бас, ўша Аллоҳнинг давоми...

2566 13:35 / 26.07.2020
Анас розияллоҳу анҳудан ривоят қилинади.Расулуллоҳ соллаллоҳу алайҳи васалламнинг ҳидларидан кўра хушбўйроқ нарсани анбарни ҳам, мискни ҳам ва бошқа нарсани давоми...

3517 20:00 / 28.04.2017