«Hilol Nashr»да икки қардош мамлакат ноширлари учрашди
2024 йил 5 июл куни Афғонистондан расмий ташриф билан ношир, «Аhmad print» нашриёти раҳбари Ҳусайн Қарзий ва унинг ёрдамчиси Абдулмуҳит Азизий юртимизга ташриф буюришди. Меҳмонлар юртимизни зиёрат қилиш асносида «Hilol Nashr» матбаа-нашриётининг бош дўконига ташриф буюрдилар. Уларни нашриёт раҳбари Исмоилжон Муҳаммад Содиқ кутиб олдилар.
Меҳмонлар нашриётнинг бош дўконидаги китобларни, жумладан, шайх Муҳаммад Содиқ Муҳаммад Юсуф ҳазратларининг илмий мерослари ҳамда адабий-бадиий асарлар билан яқиндан танишдилар.
Сўнгра шайх ҳазратлари асос солган «Hilol-Nashr» матбаа-нашриётининг босмахонасига ташриф буюришди.
Меҳмонлар босмахонада китоб чоп этиш жараёнини кузатдилар, сўнг Исмоилжон домла меҳмонларга фазилатли шайх роҳимаҳуллоҳнинг ҳаёт йўллари, илмий мерослари ҳақида маълумот бериб ўтдилар.
Ташриф сўнгида меҳмонларга эсдалик совғалар берилди.
Маълумот ўрнида айтиб ўтамизки, «Аhmad print» нашриёти диний-маърифий йўналишда фаолият юритиб, у еда араб ва форс тилларида китоблар чоп этилади. Шунингдек, Қуръони Карим нусхаси ҳам мунтазам равишда чоп этиб борилади.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
