1445 йил 22 зулқаъда | 2024 йил 30 май, пайшанба
Минтақа:
ЎЗ UZ RU EN
Рамазон

«Хайр, Рамазон!» деманг

14:23 / 08 апрель 1222 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Охирги ўн кунликнинг ҳар бир кечасида уч (минг) сўмдан бўлса ҳам садақа қилинг, агар садақангиз Қадр кечасига тўғри келиб қолса, 84 йил давомида ҳар куни садақа қилган бўласиз.

Рамазоннинг охирги ўн кунидаги тунларда икки ракъат бўлса ҳам таҳажжуд намози ўқиб олинг, агар намоз Қадр кечасига тўғри келиб қолса, 84 йил давомида ҳар кеча таҳажжуд ўқиган бўласиз.

Рамазоннинг охирги ўн кунида ҳар кеча уч мартадан Ихлос сурасини ўқиб қўйинг, агар тиловатингиз Қадр кечасига тўғри келиб қолса, 84 йил давомида ҳар кеча Қуръонни тиловат қилган бўласиз.

Аллоҳим! Бизларни ана шу майдонда ғалаба қозонувчилардан қил!

Рамазондан кейин ҳам рўза тутиш тугаб қолмайди, Қуръон ўқишдан йироқлашилмайди, масжидни тарк қилинмайди!

«Ва сенга аниқ нарса (ўлим) келгунича Роббингга ибодат қил» (Ҳижр сураси, 99-оят).

Син рамазоний бўлманг, раббоний бўлинг! Яъни, ҳар доим ибодатда қоим бўлинг, фақат Рамазонда ибодат қилувчилардан бўлманг!

Рамазонни чиройли кутиб олмаган бўлсангиз ҳам, видолашувни гўзал тарзда адо этинг! Охири мукаммал бўлганидан ибрат олинади, аввали нуқсонли бўлганидан эмас.

Ҳасан Басрий: «Сен рўзанинг қолганини чиройли адо қил, ўтганидаги камчиликларини Аллоҳ кечиради», деганлар. Сен қолганини ғанимат бил! Қачон Аллоҳнинг раҳматига эришишингни билмайсан. Эҳтимол, у Рамазоннинг охирги соатидададир!

«Хайр, Рамазон!» деманг.

«Аллоҳим, Рамазондаги рўзамизни қабул қилгин, ўзимиздан ҳам, орамиздан ҳам ҳеч кимни айирмасдан, узоқ йиллар Рамазонда жам бўлиб юришимизни насиб қилгин. Роббим, меҳру мағфиратингни биздан дариғ тутма!», деб айтинг.

Раҳмат ва барака ойи бўлмиш Рамазоннинг сўнгги кунлари яқинлашиши муносабати билан Ибн Жавзий айтган нарсаларини эслаб ўтамиз:

«От маррага яқинлашган сари мусобақада ғалаба қозониш учун бор кучини ишга солар экан. От сендан кўра фаросатли бўлиб қолмасин! Амаллар хотимага қараб баҳоланади! Кутиб олишни қойилмақом қилмаган бўлсанг, хайрлашишни чиройли қилиб қўй!».

 

Манба
islom.uz
Мавзуга оид мақолалар
Инсон бир нарсани қаттиқ соғинса, у яқинлашгани сари соғинч кучлилигидан, ўша нарсанинг ифорини сеза бошлайди...Юсуф алайҳиссаломнинг оталари фарзандларини давоми...

1792 17:00 / 04.04.2022
Муборак Рамазон ойи якун топди, энди шу вақт оралиғида нималарни якка ва умумий тартибда ўрганганимиз ҳақида ўйлаш вақти келди ndash ҳар биримиз Абадий, Энг Олий, давоми...

4487 11:00 / 21.04.2023
Таровеҳ намозини Рамазон ойида Хуфтон намозидан сўнг Бомдод намозигача ўқиш баъзилар мустаҳаб деган бўлсада, аслида, суннати муаккададир. Уни эркаклар ҳам, давоми...

3759 13:30 / 12.04.2021
Мўмин мусулмонлармиз орзиқиб кутаётган ойлар султони бўлмиш муборак Рамазон ойига ҳам саноқли кунлар қолди.Утба ибн Фарқад розияллоҳу анҳудан ривоят давоми...

1983 14:45 / 08.04.2021
Аудиолар

122158 11:58 / 10.10.2018
«Ҳилол» журнали
Китоблар

43509 14:35 / 11.08.2021