1445 йил 14 шаввол | 2024 йил 23 апрель, сешанба
Минтақа:
ЎЗ UZ RU EN
Янгиликлар

АҚШда «Шайх Муҳаммад Содиқ Муҳаммад Юсуф» номидаги масжидда қурилиш ишлар давом этяпти

14:21 / 02 апрель 1085 pdf Ўқиш режими + -

Америкада «Шайх Муҳаммад Содиқ Муҳаммад Юсуф» номидаги жомеъ масжид барпо этиляпти. Бу ҳақда АҚШнинг Цинцинати шаҳридаги ўзбеклар жамияти раиси Зафар Алимов маълум қилди. Мажмуа Оҳаё штатининг Мейнвилл шаҳрида ўзбекистонлик ватандошлар томонидан қуриляпти. 


Масжид асосан, ўзбекистонлик ватандошлар ҳомийлигида қурилаётган бўлса-да, бошқа миллатдаги мусулмонлар ҳам ўз ҳиссаларини қўшишяпти.


Цинцинати ўзбеклар жамияти раиси Зафар Алимовнинг сўзларига кўра, ҳозирда масжидда қурилиш ишлари бошланган. Қурилаётган масжиддан 20 дақиқалик йўлда араб мусулмонлари томонидан қурилган бир масжид ва бошқа томонда покистонликлар қурган масжид бор экан. «Шайх Муҳаммад Содиқ Муҳаммад Юсуф» ҳазратлари номидаги масжид ўзбекистонликлар томонидан қурилаётган АҚШдаги илк масжид бўлади.


Ҳудуди 3 гектар бўлган масжиднинг пойдевори қўйилган, қурилиш маҳсулотлари ҳозирланган. Ушбу масжид 2025 йилда ишга туширилиши режалаштирилган. Мажмуа ҳудудида 600-700 кишига мўлжалланган ибодат учун асосий бино, таҳорат хоналари ва бошқа махсус ёрдамчи иншоотлар, хусусан, ўзбек мактаби ва боғча ҳамда юздан ортиқ автомобиль учун тўхташ жойи барпо этилади.


Шунингдек, алоҳида ҳудудда мусулмонлар қабристони ҳам ташкил этилади. 
Ўтган йили Рамазон ойида Цинцинатига юртимизнинг бир гуруҳ уламолари ташриф буюриб, масжид қуриладиган жойга тамал тошини қўйиб беришган эди. 


Ҳозирда Цинцинати шаҳрида беш минг ўзбекистонлик оила, тахминан 15-20 минг ватандошимиз истиқомат қилади.


Штатда бешта ўзбек ресторани, учта ўзбекларнинг озиқ-овқат дўкони бор.

Мавзуга оид мақолалар
Саудия Арабистони мамлакатининг Мадина шаҳрида, Пайғамбаримиз соллаллоҳу алайҳи васаллам масжидларида, ҳижрий сана бўйича муҳаррам ойининг 26 санасидан сафар давоми...

3147 10:40 / 11.10.2018
Бугун, 2019 йилнинг 25 мартида Россия пойтахти Москвадаги Н.Н.Блохин номидаги онкология марказида тиббиёт ходимлари ва беморлар учун намозхона очилди. Бу ҳақда давоми...

2067 12:00 / 25.03.2019
Шу йилнинг 15 май куни АҚШнинг Флорида штати Орландо шаҳрида Имом алБухорий номидаги Исломий марказ ўз фаолиятини бошлади.Исломий марказ ўз навбатида масжид давоми...

4812 10:13 / 06.08.2018
Бутун дунёда бўлгани каби, коронавирус пандемияси Кайжининг кундалик ҳаётига таъсир қилди. Кайжи бу йил кўп вақтини уйда ўтказди, аммо Рамазон шукуҳидан келиб давоми...

1219 12:30 / 11.05.2021
Аудиолар

120271 11:58 / 10.10.2018
«Ҳилол» журнали
Китоблар

41921 14:35 / 11.08.2021