Халқаро ҳадис тадқиқотлари тақдимоти ва ижоза бериш маросими бўлиб ўтмоқда
Бугун, 19 январь куни Туркиянинг Истанбул шаҳридаги «Сулаймония» жомеъ масжидида Халқаро ҳадис тадқиқотлари тақдимоти ва ижоза бериш маросими бўлиб ўтмоқда.
Ушбу халқаро маросимга Туркия президенти Ражаб Тоййиб Эрдўған жаноблари, замонамиз уламолари, хусусан, юртимиздан ташриф буюрган Ўзбекистон мусулмонлари идораси раиси, муфтий Нуриддин домла Холиқназар ҳазратлари, Ўзбекистон президентининг жамоат ва диний ташкилотлар билан ҳамкорлик масалалари бўйича маслаҳатчиси Музаффар Комилов, Ўзбекистон Республикаси Дин ишлари бўйича қўмита раиси Содиқ Тошбоев, Ўзбекистон мусулмонлари идораси раиси ўринбосари Жалолиддин домла Ҳамроқулов, Имом Термизий халқаро илмий-тадқиқот маркази раҳбари Шукрулло Умаров, «Шайх Муҳаммад Содиқ Муҳаммад Юсуф» жомеъ масжиди имом-хатиби Исмоил домла Муҳаммад Юсуф ҳамда «Hilol nashr» матбаа-нашриёти директори Абдулвоҳид Саттиевлар иштирок этмоқдалар.
Маросим Қуръони Карим тиловати билан бошланди.
Тақдимот «Набавий сийрат ва суннатни иҳё қилиш» мавзусига бағишланиб, беназир муҳаддис олим, шайх Муҳаммад Аввома ҳазратлари мавзуга оид маълумотларни шарҳлаб бердилар. Бундан ташқари, шайх Аввома ҳазратлари бошчилигида бир гуруҳ олимлар томонидан тайёрланган «Сунан Термизий» китобининг таҳқиқ қилинган нусхаси тақдимоти ҳам бўлиб ўтди. Шунингдек, «Тадрибу Ровий» китобини тўлиқ ўқиб чиққанларга шайх Аввома ҳазратлари ижоза бердилар.
Айни вақтда маросим давом этмоқда.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
