1446 йил 17 Рамазон | 2025 йил 17 март, душанба
Минтақа:
ЎЗ UZ RU EN
Тафсир

Шукрли бўлиш

19:00 / 20.12.2023 1412 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло Қуръони Каримда шундай марҳамат қилади:

ﭨ ﭩ ﭪ ﭫ ﭬ ﭭ ﭮ ﭯ ﭰ ﭱ ﭲ ﭳ ﭴ

«Ва Мусога китобни бердик ва уни: «Мендан ўзгани вакил тутманглар!» – дея Бану Исроилга ҳидоят қилиб бердик» (Исро сураси, 2-оят).

Яъни «Биз Мусо алайҳиссаломга Таврот китобини бердик. Ҳамда ўша Таврот китобини Бану Исроил учун ҳидоят қилиб қўйдик. Унга эргашсалар, ҳидоятга эришишлари турган гап эди.

Шу билан бирга, Биз Бану Исроилга:

«Мендан ўзгани вакил тутманглар!»

Яъни Аллоҳдан ўзгага суянманглар. Ундан бошқага юзланманглар. Ана шундагина ҳидоят топасизлар», – дедик.

ﭵ ﭶ ﭷ ﭸ ﭹﭺ ﭻ ﭼ ﭽ ﭾ ﭿ

«(Эй) Нуҳ билан бирга кўтарганларимизнинг зурриётлари! Албатта, у ўта шукрли банда эди» (Исро сураси, 3-оят).

Дунёда инсоният қолмаган пайтда Аллоҳ таоло Нуҳ алайҳиссалом билан бирга у киши ясаган кемада тўфон балосидан қутулиб қолган мўминлардан зурриёт тарқатиб, ер юзида янгидан одамзотни кўпайтирди. Аллоҳ таоло Бану Исроилга ўша нарсани эслатиб туриб, хитоб қилмоқда. Уларнинг асли ана ўшандай яхши, фазилатли инсонларга қайтишини эслатмоқда, улардан ўрнак олишга чақирмоқда.

«Албатта, у ўта шукрли банда эди».

Нуҳ алайҳиссалом ўта шукрли банда эди. Унга иймон келтирганлар ҳам ўта шукрли бандалар эдилар. Сизлар ҳам шукрли бўлинглар.

«Тафсири Ҳилол» китоби асосида тайёрланди

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Аллоҳ таоло Ёсин сурасида шундай марҳамат қилади .Улар .Воҳ, шўримиз қурисин Бизни ётган жойимиздан ким қўзғатди Бу Роҳман ваъда қилган ва юборилган давоми...

3144 10:03 / 28.11.2018
Мусодан кейинги Бану Исроилдан бўлган зодагонларни билмадингми Ўшанда улар ўз набийларига .Бизга бир подшоҳ тайин қилгин, Аллоҳнинг давоми...

4180 17:07 / 22.03.2020
Аллоҳ таоло Ўзининг каломида шундай марҳамат қилади .Албатта, исрофчилар шайтонларнинг биродарлари бўлганлар. Шайтон эса Роббига ўта ношукр бўлгандир, давоми...

1052 19:00 / 27.02.2024
Аллоҳ таоло Жума сурасида шундай марҳамат қилади .Улар қўллари тақдим қилган нарсалар туфайли ҳеч қачон уни орзу қилмаслар. Аллоҳ золимларни ўта билувчидир, давоми...

2994 17:00 / 21.12.2018