Мисрда «30 халқаро Қуръони Карим мусобақаси» ўтказилади
Миср Авқоф вазири Муҳаммад Мухтор Жума «30 халқаро Қуръони Карим мусобақаси»нинг тўрт ҳаками номини эълон қилди. Бу ҳақда Ал-Фажр нашри хабар берди.
Ушбу мусобақа 2023 йил 23 декабрь куни Дорул-Қуръонда, Мисрнинг Улуғ масжидида ва Ислом маданият марказида ўтказилади. Мусобақани қуйидаги ҳакамлар баҳолаб боришади:
1. Тағиуддин Мустафо Абдул Босит ат-Тамимий – фаластинлик олим, Судан Фанлар университетида тилшунослик ва фалсафа фанлари номзоди, Фаластин техника университети доценти.
2. Иорданиялик Тавфиқ Иброҳим Аҳмад Замра – Покистон Ислом университети доктори, Қуръони Карим халқаро танлови ҳакамлар ҳайъати аъзоси
3. Абкар Веллер Маду – Судандаги Омдурман университетида араб ва исломшунослик фанлари доктори, Халқаро Қуръон мусобақаси ҳакамлар қўмитаси аъзоси.
4. Сенегаллик шайх Аҳмад Ал-Сағир Амби – Дакар Ислом институти бош котиби, араб таълими бўйича инспектор ва халқаро Қуръон мусобақаларининг ҳайъат аъзоси.
Мусобақа ғолибларини қимматбаҳо совғалар ва эсдалик ҳадялар кутмоқда.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
