Юртимизга ташриф буюрган уламолар жума намозини адо этдилар
Шу кунларда бир гуруҳ уламолар Туркий давлатлар ташкилоти мусулмон диний идоралари раҳбарлари кенгаши йиғилиши, уламолар форуми ва «Мир Араб» мадрасасининг 500 йиллигига бағишланган халқаро анжуманда иштирок этиш учун мамлакатимизда бўлиб турибди.
Бугун, 24 ноябрь куни Ўзбекистон мусулмонлари идораси раиси, муфтий Нуриддин домла Холиқназар меҳмонлар билан «Ҳазрати Имом» масжидида жума намозини адо этдилар.
Муфтий Нуриддин Холиқназар ҳазратлари жума маърузаси асносида Туркий давлатлар уламоларининг юртимизга ташрифи, қардош дин пешволарининг илиқ ва самимий мулоқотлари хусусида маълумот бердилар.
Туркий халқлар уламолари муборак масжидда минглаб намозхонлар билан бирга жума намозини адо этишгач, хатми Қуръон ва хайрли дуолар қилинди.
Меҳмонлар Ҳазрати Усмон Мусҳафини ҳам зиёрат қилдилар.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
