Қувайт швед тилида 100 минг Қуръони Карим маънолари таржимасини чоп этишини эълон қилди
Қувайт швед тилида 100 000 нусхада Қуръони Карим маънолар таржимасини нашр этиш режасини эълон қилди. Режа Қувайт бош вазири шайх Аҳмад Наваф ал-Аҳмад ас-Сабаҳ ташаббуси билан ишлаб чиқилган бўлиб, тегишли органга нашрни амалга оширишни буюрган. Бу ҳақда suchtv.pk сайти хабар берди.
Халқаро ОАВ хабарларига кўра, режа швед халқи ва бошқа жамоалар ўртасида тинчлик ва ҳамжиҳатлик ҳақидаги ислом хабарини ёйишдан илҳомланган. Қувайт Бош вазири исломий бағрикенглик ва қадриятларни ўзаро ҳамжиҳатликда яшашни барча халқлар ўртасида баҳам кўришни исташини айтди.
Ушбу режа Швецияда 28 июнь куни Қурбон ҳайитининг биринчи кунида Ироқ фуқароси Қуръон нусхаларини таҳқирлаган куфрли ҳодисага жавобан ишлаб чиқилган. Бу воқеа бутун дунё мусулмонлари орасида қаттиқ қайғу ва ғазабга сабаб бўлди.
Қуръоннинг швед тилида нашр этилиши тез орада якунланиши кутилмоқда. Нусхалар Швециядаги масжидлар, кутубхоналар, мактаблар ва бошқа муассасаларга тарқатилади. Қуръоннинг швед тилига таржимаси машҳур швед таржимони Кнут Бернстром томонидан амалга оширилган. Таржима iPhone ва iPad фойдаланувчилари учун илова сифатида ҳам мавжуд.
Қувайт Бош вазири бу ташаббус турли динлар ва маданиятлар ўртасида ўзаро тушуниш ва ҳурматни мустаҳкамлашга ёрдам беришига умид билдирди. Шунингдек, Қувайт бутун дунё бўйлаб исломий сабаблар ва лойиҳаларни қўллаб-қувватлашда давом этишини айтди.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
