Намозга шошилинглар!
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бу дунёнинг ташвишидан ортмай қолсам бир муддат,
Сокин бўлиш истарман, руҳимга керак мадад.
Бу қалб нечун сиқилар, бошимда нима ўйлар?
- Деб ҳаёлларим сурсам, бир овоз қўшиқ куйлар.
Йўқ! Бу қўшиқ эмасдир,
Жуда гўзал бир оҳанг.
Ижрочиси ким экан?
Дилга бу куй ҳамоҳанг.
Дер: «Фалаҳ»га шошилинг!
Дер: «Нажот»га шошилинг!
Яхшилаб қулоқ солсам,
Дер: Намозга шошилинг!
Хурсанд бўлиб кетдиму,
Тез покликка ошиқдим.
Жисму қалбнинг поклиги-
Таҳоратга ошиқдим.
Тайёрланиб, қўл боғлаб,
«Аллоҳ буюкдир!»-десам,
Танда бир нур порлади,
Чиройли ният қилсам.
Турурман хушуʼ билан,
Эгилсам хузуʼ билан,
Қабул этгин, деб мендан,
Саждада ражо билан
Ўнг томонда хуррамлик,
Чап томонда бахтсизлик.
Ортимдаги ҳамроҳим-
Кутар мени Азроил.
Гуноҳларим кўп, аммо,
Аллоҳдан умидим бор.
Буюк неъмат хоҳларман,
Менда шу илтижо бор.
Қилдим Роббимга ибодат,
У менга берди ҳаловат.
Эй мўминлар, тез туринг,
Юз-қўлингизни ювинг.
Намозга шошилинглар!
Нажотга шошилинглар!
Мақсудова Мадинабону Жаҳонгир қизи
Эслатма: Сиз ҳам «Ислом.уз-1444» танловида қатнашмоқчимисиз? Унда қуйидаги https://islom.uz/maqola/19769 ҳавола орқали мусобақа шартлари билан танишинг ва танловда иштирок этинг!
Ушбу шеър Ўзбекистон Республикаси Дин ишлари бўйича қўмитанинг 2023 йил 10 майдаги 03-07/3450-рақамли хулосаси асосида тайёрланди.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
