«Қуръони Каримни ёд олиш ва тиловат қилиш маркази» талабалари мусобақада ғолиб бўлдилар
Байрутнинг Зайдония минтақасида жойлашган Қуръони Каримни ёдлаш ва тиловат қилиш маркази талабалари Байрутда ҳар йили ўтказиладиган «Саййид Шариф Фаиз Абдулҳаким Ҳасан» номи остидаги Қуръони Карим мусобақасида биринчи ўринни қозониб, ғалабага эришдилар. Ушбу мусобақа натижалари жорий йилнинг 9 май сешанба куни эълон қилинди.
Натижалар қуйидагича:
Ҳифз бўйича биринчи ўринни Ҳамза Ал Ҳож, иккинчи ўринни Зайнаб Шаҳл, учинчи ўринни эса Муҳаммад Муҳаммад Муқбил эгаллади.
Шу муносаба билан «Қуръони Каримни ёд олиш ва тиловат қилиш маркази» раҳбарияти Байрутдаги Қуръон мусобақасида ғолиб бўлган талабаларни табриклади.
Эслатиб ўтамиз, «Қуръони Каримни ёд олиш ва тиловат қилиш маркази» Қуръонга ихтисослашган вақф кўринишидаги таълим муассасаси бўлиб, «Вақфул Қуръанил Карим хайрия ташкилоти» номи остида фаолият юритади. Ушбу ташкилот Ливандаги Ислом иттифоқи уюшмасига қарашлидир. Унда йигит-қизлар, ёшу қари, эркак ва аёлларга Қуръони Карим ва унга боғлиқ илмларни таълим бериш, ёдлатиш кўзда тутилган.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
