Яхши амаллар зое бўлмас
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Аллоҳ субҳанаҳу ва таолонинг ушбу оятини ўқинг:
ﮈ ﮉ ﮊ ﮋﮌ ﮍ ﮎ ﮏ ﮐ ﮑ
«Ўз раҳматимизни кимни хоҳласак, ўшанга муяссар этурмиз ва яхши амал қилувчиларнинг ажрини зое қилмасмиз». (Юсуф сураси, 56-оят).
«Ўз раҳматимизни кимни хоҳласак, ўшанга муяссар этурмиз...» ушбу жумлани тадаббур қилиб кўринг. Раҳмат шу даражада диққат билан йўналтирилганки, эгасига етиб боришда хатога йўл қўймайди.
Субҳаналлоҳ!
«Ўз раҳматимизни кимни хоҳласак, ўшанга муяссар этурмиз...»
Ўша шахсга қийинчиликдан сўнг осонлик, ночорликдан сўнг имконият, хавф-хатардан сўнг омонлик, хорликдан сўнг фаровонлик берамиз.
– Ушбу раҳмат Иброҳим алайҳиссалом оловдалик пайтларида тушган.
– Ушбу раҳмат Юнус алайҳиссалом балиқ қорнида эканларида тушган.
– Ушбу раҳмат Юсуф алайҳиссалом қудуқ ва қамоқда эканларида тушган.
– Ушбу раҳмат Мусо алайҳиссаломнинг гўдаклик пайтларида сувда бўлганларида тушган.
«...ва яхши амал қилувчиларнинг ажрини зое қилмасмиз».
Эҳсон қилувчилар, Аллоҳга иймон келтириб, унга тақво қилиб, ибодатида собитқадам бўлувчилар эртами-кечми, барибир ажрларини олурлар. Уларнинг ажри ҳеч қачон зое бўлмас. Бу дунёнинг ўзида кўражаклар.
Аллоҳим, Ўз ҳузурингдан раҳматингни бизга муяссар этгинки, бундан сўнг биз асло бахтсиз бўлмайлик эй Раҳим сифатли Зот!
Фойдаланилган манбалар:
«Тафсири Ҳилол» китоби
Хуршид Маъруф тайёрлади
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
