АҚШда «Қуръони Карим ҳақида қанчалик маълумотга эгамиз» мавзусида савол-жавоблар ўтказилди
Маълумки, ҳижрий 1443 йилнинг Рамазон ойида бир гуруҳ уламолар уммон орти мамлакатига ташриф буюришган эди. Бу йил ҳам Рамазон ойини ҳар йилгиданда шукуҳли ўтказиш мақсадида ушбу анъанага мувофиқ бир қатор устозлар ва ҳофизи Қуръонлар Америка Қўшма Штатларига ташриф буюрдилар.
Айни вақтда АҚШнинг Флорида штати Орландо шаҳридаги «Ал Бухорий Ислом Маркази»да ўзбекзабон ватандошларимизга юртимизнинг кўзга кўринган зийнат қориларидан, Имом Бухорий номидаги Тошкент Ислом институти қироат фани устози Аҳмадхон қори Рашидов ҳамда Имом Мотуридий халқаро илмий-тадқиқот маркази ходими Ихтиёр қори Абдураҳмоновлар хатми Қуръонга ўтиб бермоқдалар.
Қориларимиз жорий йилнинг 31 март куни ушбу марказда жума маърузаси асносида ҳамда таровеҳ намози тасбеҳлари орасида «Қуръони Карим ҳақида қанчалик маълумотга эгамиз» мавзусида савол-жавоблар ўтказиб бердилар.
Шу билан бир қаторда «Ал Бухорий Ислом Маркази»да муборак Рамазон ойида ҳар куни саҳарлик ва ифторликлар, таровеҳ намозлари, хатми Қуръон, диний-маърифий суҳбатлар ва дин ва ҳаётга оид савол-жавоблар ташкил этилмоқда.
Islom.uz портали
Ҳижрий 1444 йил, Рамазон ойининг 13-куни
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
