1445 йил 12 зулқаъда | 2024 йил 20 май, душанба
Минтақа:
ЎЗ UZ RU EN
Суннат ва замонавий илм

Сув бу ҳаётдир

15:00 / 24.02.2023 1313 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Дунёдаги барча тирик мавжудот борки, улар сувсиз яшай олмайди. Бу исбот талаб қилмайдиган илмий ҳақиқатдир. Шу боис сувнинг мавжудлиги ҳаётнинг мавжудлигини билдиради. Бу Қуръони Карим ишора қилган ҳақиқатдир.

Милодий VII асрда мавжудотлар ва ҳаёт унсурлари тўртта: сув, тупроқ, олов ва ҳаво деган эътиқод ҳукмрон эди. Кейинчалик олимлар сувнинг тирик мавжудотлар ҳаётидаги аҳамияти улкан эканини очиб беришди.

Барча организмлар, бир ҳужайрали бактериялардан бошлаб, то 100 триллиондан кўпроқ ҳужайрадан таркиб топган инсон ҳам асосан, ҳужайралардан иборат.

Демак, ҳужайра ҳаётнинг асосидир. Аммо олимлар бу ҳужайрани таҳлил қилишганда, унинг 70% дан кўпроғи сувдан иборат эканлигини аниқладилар.

Илмий ҳақиқат шуни тасдиқладики, барча тирик мавжудотлар, хоҳ ўсимлик, хоҳ ҳайвон, хоҳ ҳашаротлар ҳаммаси сувга асосланади. Бу ҳақиқат Қуръони Каримда ўн тўрт аср аввал очиқ-ойдин айтиб қўйилган.

Аллоҳ таоло шундай марҳамат қилади:

 

ﮓ ﮔ ﮕ ﮖ ﮗ ﮘ ﮙ ﮚ ﮛ ﮜﮝ ﮞ ﮟ ﮠ ﮡ ﮢ ﮣﮤ ﮥ ﮦ ﮧ

 

«Куфр келтирганлар осмонлару ер битишган бўлганини, бас, уларни очганимизни ва сувдан ҳар бир тирик нарсани қилганимизни билмайдиларми? Иймон келтирмайдиларми?» (Анбиё сураси, 30-оят).

Шунингдек, Қуръони Каримда тирик мавжудотларнинг асоси сув эканлигини тасдиқловчи яна бир муҳим кўрсатма бор.

Аллоҳ таоло айтади:

 

ﭝ ﭞ ﭟ ﭠ ﭡ ﭢﭣ ﭤ ﭥ ﭦ ﭧ ﭨ ﭩ ﭪ ﭫ ﭬ ﭭ ﭮ ﭯ ﭰ ﭱ ﭲﭳ ﭴ ﭵ ﭶ ﭷﭸ ﭹ ﭺ ﭻ ﭼ ﭽ ﭾ ﭿ

 

«Аллоҳ ҳамма жонзотни сувдан яратди. Бас, улардан баъзилари қорни билан юрадир, баъзилари икки оёқ билан юрадир ва баъзилари тўрт (оёқ) билан. Аллоҳ Ўзи хоҳлаган нарсани яратур. Албатта, Аллоҳ ҳар бир нарсага ўта қодирдир» (Нур сураси, 45-оят).

Бинобарин, ҳозирги даврда тирик ҳужайраларнинг сир-асрорларининг очилиши ва бу ҳужайралар таркибининг аксарият қисмини сув ташкил этиши, сув бор жойда ҳаёт борлигини тасдиқлайди. Бу эса Қуръонда аллақачон олдиндан хабари бериб қўйилган ҳақиқатдир.

Аллоҳ таоло бизга Ислом неъматини ато этиб, Пайғамбаримиз соллаллоҳу алайҳи васалламга Қуръонни нозил қилиб, бизга жуда улкан марҳамат кўрсатди. Ушбу неъматлар учун Роббимизга беҳисоб шукрлар бўлсин!

 

Абдуддоим Каҳел мақоласи асосида

Нозимжон Ҳошимжон таржимаси

Манба
islom.uz
Мавзуга оид мақолалар
Инсон танасидаги энг улкан илоҳий мўъжизалардан бири, бу ДНК дезоксирибонуклеин кислота ҳамда бетакрор бармоқ изларидир. Ер юзида яшайдиган жамики инсонларда давоми...

2049 18:00 / 08.06.2021
Мисрлик олим, профессор Абдулбосит Саййид Муҳаммад Қуръондаги Юсуф сурасидан таъсирланиб, биринчи марта катаракта кўз гавҳарининг хира тортиши касаллигига тер давоми...

12978 16:30 / 13.12.2018
Аллоҳ таоло Мурсалот сурасида шундай марҳамат қилади.Ерни ўзига тортувчи қилиб қўймадикмиhellip тирикларни ва ўликларни, 2526оятлар.Яъни ер устида юрган тирикларни давоми...

7637 15:10 / 05.10.2020
Одамнинг қиёмат куни қайта тирилтирилиши ҳақидаги ҳадиси шарифларда келган баённи ҳозирги замон илми тасдиқлади.Абу Ҳурайра розияллоҳу анҳудан ривоят давоми...

7961 11:10 / 09.02.2019
Аудиолар

121631 11:58 / 10.10.2018
«Ҳилол» журнали
Китоблар

43093 14:35 / 11.08.2021