Туркиядаги кучли зилзила оқибатида ҳалок бўлганларга ҳамдардлик билдирилди
Ўзбекистон Республикаси Президенти Шавкат Мирзиёевнинг топшириғига мувофиқ, Туркияга Фавқулодда вазиятлар вазирлигининг бир гуруҳ қутқарувчилари жўнатилади. Бу ҳақда Ўзбекистон Республикаси Президентининг матбуот хизмати хабар берди.
Қайд этилишича, улар табиий офат оқибатларини бартараф этишда иштирок этиши мўлжалланган.
Шунингдек, рўй берган кучли зилзиладан жабр кўрганларга гуманитар ёрдам ҳам жўнатилиши режалаштирилган.
Шу билан бир қаторда кучли зилзила оқибатида кўплаб одамлар қурбон бўлгани ва жиддий жароҳат олгани, катта талафотлар кўрилгани муносабати билан Ўзбекистон мусулмонлари идораси раиси, муфтий Нуриддин домла ҳазратлари Туркия диёнат ишлари бошқармаси раиси профессор, доктор Али Эрбош жанобларига дўст ва қардош турк халқининг ушбу қайғусига ўзбек халқи ҳам чин қалбдан шерик эканини билдириб, ҳамдардлик мактубини йўлладилар.
Унда чуқур таъзия изҳор этилиб, мазкур фалокат оқибатида вафот этганларга, Жаноби Ҳақдан раҳматлар, мусибатли хонадон аҳлларига сабр-матонат ва жабрланганларга офият тиланди.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
