Рўйхатни беркитиш
Дарслар рўйхати
1445 йил 18 Рамазон | 2024 йил 28 март, пайшанба
Минтақа:
ЎЗ UZ RU EN
Сийрат

Сийрат дарслари (216-дарс) Ҳаё зийнатдир

19:00 / 03.02.2023 1395 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

839. Анас ибн Молик розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Фаҳш нимада бўлса, албатта, ўшани шарманда қилади. Ҳаё нимада бўлса, албатта, ўшани зийнатлайди», дедилар».

Термизий, Ибн Можа, Ибн Ҳиббон ривоят қилишган.

* * *

840. Абдуллоҳ ибн Умар розияллоҳу анҳумодан ривоят қилинади:

«Расулуллоҳ соллаллоҳу алайҳи васалламнинг шундай деяётганларини эшитдим: «Фақат ушбу икки нарсадагина ҳасад қилса бўлади: Аллоҳ бир одамга Қуръонни бергану, у ўша билан кечасию кундузи бедор бўлади. Аллоҳ бир одамга мол бергану, у ўшани кечасию кундузи нафақа қилади», дедилар».

Бухорий ва Муслим ривоят қилишган.

 * * *

841. Анас ибн Молик розияллоҳу анҳудан ривоят қилинади:

Расулуллоҳ соллаллоҳу алайҳи васаллам: «Одам боласи қарийди. Ундаги икки нарса эса ёшлигидагича қолади: молнинг ҳирси ва умрнинг ҳирси», дедилар».

Бухорий ва Муслим ривоят қилишган.

* * *

842. Каъб ибн Молик розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Кишининг мол-дунё ва шуҳратга бўлган ҳирси унинг дини учун қўйлар ичига қўйиб юборилган икки оч бўридан ҳам ёмондир», дедилар».

Термизий ва Ибн Ҳиббон ривоят қилишган.

* * *

843. Ибн Зубайр розияллоҳу анҳумодан ривоят қилинади:

«У Маккада минбарда туриб хутба қилди: «Ҳой одамлар! Набий соллаллоҳу алайҳи васаллам айтардилар: «Агар одам боласига водий тўла тилло берилса, иккинчисини истайди. Агар иккинчисини ҳам берилса, учинчисини истайди. Одам боласининг қорнини тупроқдан бошқа тўлдира олмайди. Ва Аллоҳ тавба қилганнинг тавбасини қабул қилади».

Бухорий ривоят қилган.

«Расулуллоҳ соллаллоҳу алайҳи васаллам» китобидан

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Аллоҳ таолодан қўрқиш Ва аммо ким Роббининг ҳузурида туришдан қўрққан ва нафсни ҳавойи хоҳишдан қайтарган бўлса... Бас, албатта, жаннат унга жой давоми...

4625 11:11 / 28.06.2017
Термизий келтирган ривоятда.Тезак ва суяк билан истинжо қилманглар. У жин биродарларингизнинг зоди таомидир,, деганлар.Шарҳ Пайғамбаримиз соллаллоҳу алайҳи давоми...

2712 17:07 / 08.09.2019
272. Абу Ҳурайра розияллоҳу анҳудан ривоят қилинади.Расулуллоҳ соллаллоҳу алайҳи васаллам .Ким бир илмдан сўралсаю, шунда у ўшани яширса, Қиёмат куни Аллоҳ уни давоми...

3910 15:45 / 11.10.2019
479. Анас розияллоҳу анҳудан ривоят қилинади .Расулуллоҳ соллаллоҳу алайҳи васаллам Мадинага яқинлашганларида .Аллоҳим, мен унинг икки тоғи орасини худди Иброҳим давоми...

2806 14:00 / 19.02.2021
Аудиолар

118722 11:58 / 10.10.2018
«Ҳилол» журнали
Китоблар