1445 йил 19 зулқаъда | 2024 йил 27 май, душанба
Минтақа:
ЎЗ UZ RU EN
Жаннат райҳонлари

Shariat

09:00 / 29.01.2023 2288 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Bani Isroil endi hayvoncha yashashdan odamlarcha yashashni boshladi. Ular choʻlda hur, erkin edilar. Endi bu qavm ilohiy bir shariatga muhtoj edi. Toki ular mana shu shariat bilan hukm qilsinlar, hayot yoʻllarini yoritsinlar.
Inson faqat ilohiy shariat va Robbisi nuri ostidagina insondek yashashi mumkin. Olam tim qora zulmat. Bu yerda Parvardigor tomonidan berilgan mashʼala zarur. U Paygʻambarlar qoʻlidagi mashʼaladir. Odamlar u sababli yoʻllarini topadilar. Kimda-kim mana shu nur ortidan ergashmas ekan, hayotda mudom koʻr tuyadek adashib yuradi. Ilohiy nurdan tashqarida turib toʻqilgan aqidalar bolalarga ermak boʻladigan xurofotlardan boshqa narsa emas. Siz mushriku kofirlar, turli adashgan kimsalar aqidalari, xurofotlari va afsonalarini eshitmaganmisiz? Ularning ilmi jaholat, taxmin va shubha-gumon asosiga qurilgan. «Ular faqat gumon-taxminga ergashurlar xolos. Aniq-ki, gumon haqiqatdan biron narsaning oʻrniga oʻtmas!».
Johiliy axloq bu isrof, qosirlik, haddan oshishlik va sustkashlikdir. Paygʻambarlar yoʻliga ergashmagan kimsalar oʻzgalar haq-huquqini bemalol hazm qilib yuborishganini koʻrmaganmisiz.
Ular havoi nafslariga ergashib oʻz chegaralaridan tashqariga chiqib ketishadi.
Hukm yurgizish, siyosat esa zulm, istibdod va kishilar moli-yu haq-huquqlarini toptashdan iborat boʻladi. Allohdan qoʻrqmaydigan, shariatga ergashmaydigan podshohlar oʻz fuqarolari qonini behuda toʻkishlari, haq-huquqlarini poymol etishlari, omonatlarga xiyonat qilishlarini nahot bilmasangiz?! Qancha-qancha kishilar qullik zanjiriga solindi. Insonlar guruh-guruhga ajratib yuborildi. Ayollar tirik qoldirilib erlar qilich tigʻidan oʻtkazildi. Siz birinchi va ikkinchi jahon urushlarida necha million insonning yostigʻi quritilganini bilasizmi?! Dunyo tim qora zulmat.
«(Ular) ustma-ust zulmatlardir. U oʻz qoʻlini chiqarib ( qarasa) koʻrishga yaqin boʻlmas. Kimga Alloh nuri (iymon) bermasa, bas, uning (uchun) hech qanday nur boʻlmas».
Paygʻambarlar insonlarga qanday ibodat qilish kerakligini oʻrgatish bilan bir qatorda ularga oʻzaro muomala-munosabat haqida ham taʼlim bergan. Alloh taolo elchisi din odobidan ham, hayot odobidan ham taʼlim beruvchi muallimdir. U insonlarga barcha odoblarni – yeyish, ichish, oʻtirish, uxlash odoblarini oʻrgatadi. Goʻyo mehribon ota boʻlib oʻzining aziz jigarbandlariga pand-nasihat qiladi. Insonlar Paygʻambarlar qarshisida goʻdak maqomidа turadilar. Ular goʻdaklikda otalari tarbiyasiga qanchalik muhtoj boʻlgan boʻlsalar, ulgʻaygan chogʻlarida Paygʻambar tarbiyasiga shunchalik muhtojdirlar. Nubuvvat taʼlim-tarbiyasidan bebahra qolgan mana shu kimsalar yovvoyi holda oʻsgan daraxtga oʻxshaydilar.
Zero, parvarishsiz katta boʻlgan oʻsimlik qingʻir-qiyshiq, tikonli va yaroqsiz boʻlib oʻsadi.


Abul Hasan Ali Hasan an-Nadaviy
Tarjimon Anvar Ahmad

Муаллиф
Анвар Аҳмад
Манба
islom.uz
Мавзуга оид мақолалар
Bir qibtiy folbin Firaposavn huzuriga kelib shunday dedi .Bani Isroilda bir bola tug`iladi. Sening mulking uni qo`liga o`tadi,. Firaposavnning jinniligi qo`zidi. Jallodlariga buyurdiki, Bani Isroilda tug`ilgan har bir go`dak qilichdan o`tkazilsin Firaposavn o`zini mutloq shoh deb hisoblagani давоми...

2847 14:00 / 08.08.2021
Qadrli bolajonlar, bir kechakunduzda bir necha marta ovqatlanganimiz kabi uyqu ham kundalik zaruriy odatlarimizdandir. Uyqu sababli hordiq chiqaramiz, ko`zlarimiz va boshqa barcha aaposzolarimiz tiniqib dam oladi. Keling, endi baaposzi uyqu odoblarini o`rganamizImkon qadar xufton namozidan keyin давоми...

5610 15:10 / 22.05.2019
Alloh taolo ularga ketmaket balolar yubora boshladi. Parvardigor ular ustiga suv balosini yubordi. Osmondan yomg`ir quydi. Nil to`lib toshdi. Osmondan yomg`ir yog`averdi, yog`averdi, yog`averdi. Ekin maydonlari va dalalarni suv bosdi. Don va mevalarga qattiq talofat yetdi. Aslida rahmat bo`lgan давоми...

2427 09:00 / 07.08.2022
7Shu o`rmonda safar qiladigan bir jamoat bor edi. Ular yo`lda chanqab qolib, quduq izladilar. Quduqni ko`rib, u yerga suv olib kelish uchun bir kishini yubordilar.U kishi quduqqa keldi va chelakni tashladi. Chelakni tortib olayotganida chelak og`ir edi. Uni chiqarib olib qarasa, ichida bola bor. U давоми...

2650 14:10 / 31.03.2019
Аудиолар

122004 11:58 / 10.10.2018
«Ҳилол» журнали
Китоблар

43386 14:35 / 11.08.2021