Мусо алайҳиссалом ва тавба қилган банда қиссаси

1447 йил 25 шаъбон | 2026 йил 13 февраль, жума

Минтақа:

ЎЗ UZ RU EN

Кириш | Рўйхатдан ўтиш

Ижтимоий тармоқлар орқали киринг:

Google Facebook

Ёки рўйхатдан ўтган парол ва почтангиз орқали киринг:

savollar.islom.uz сайтидан рўйхатдан ўтган парол ва почтангиз орқали ҳам киришингиз мумкин

Э.Почта

Парол

рўйхатдан ўтиш

Э.Почтангизни ёзинг

Исмингизни ёзинг

Паролингизни ёзинг

Паролни такрорланг

Мўминларга эслатма

Мусо алайҳиссалом ва тавба қилган банда қиссаси

15:02 / 29.12.2022 2784 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳикоя қилишларича, Бани Исроил қавмига бир муддат ёмғир ёғмай қўйди. Аллоҳнинг Набийси Мусо алайҳиссалом Аллоҳ таолодан ёмғир ёғдиришини сўраб дуо қилдилар. Шунда Аллоҳ таоло: «Орангизда қирқ йилдан бери Менга исён қилаётган банда бор», деб ваҳий қилди.
Мусо алайҳиссалом Аллоҳ таолодан: «Бизга нимани буюрасан?» деб сўрадилар.
Аллоҳ таоло: «Уни орангиздан чиқариб юборинглар, агар у орангиздан чиқса, ёмғир ёғади» деб марҳамат қилди.
Мусо алайҳиссалом қавмларига юзланиб: «Эй Бани Исроил, орамизда қирқ йилдан бери Аллоҳ таолога гуноҳ қилиб юрган кимса бор. Унинг гуноҳи сабабидан осмондан ёмғир ёғмай қўйди. У орамиздан чиқиб кетмагунча, ёмғир ёғмайди», деб хитоб қилдилар.
Гуноҳкор банда бу хитобга жавоб бермай, қавм орасидан чиқмади. Ичида: «Эй Роббим, бугун мен одамлар орасидан чиқсам шарманда бўламан. Агар уларнинг орасида қолсам, барчамиз ташналикдан ҳалок бўламиз. Олдимда фақатгина Сенга тавба қилиб, истиғфор айтиш йўли бор холос. Мени мағфират қилгин ва гуноҳларимни беркитгин», деди-да, Аллоҳга тазарруъ билан дуо қила бошлади. Аллоҳ таоло унинг тавбасини эшитиб, қабул қилди. Банда сўзи ва дуосини охирига етказмай туриб, осмондан ёмғир ёға бошлади.
Мусо алайҳиссалом: «Эй Роббим, орамиздан ҳеч ким чиқмай туриб ёмғир ёғди», дедилар.
Аллоҳ таоло: «Қирқ йилдан бери Менга гуноҳ қилган бандамнинг тавбасидан рози бўлганим сабабли ёмғир ёғди», деб марҳамат қилди.
Мусо алайҳиссалом: «Эй Роббим, менга ўша бандангни кўрсатиб қўйгин, мен ҳам унинг тавбасидан қувонай», дедилар.
Шунда Аллоҳ таоло Ўзининг Набийсига: «Эй Мусо, қирқ йил Менга гуноҳ қилиб турганда уни яширдим, бугун Менга тавба қилганда шарманда қиламанми?!», дея марҳамат қилди.
Субҳаналлоҳ, эй Роббимиз, нақадар Меҳрибонсан!
Азизлар, тавба эшиги очиқ экан, Роббимизга ихлос билан тавба қилайлик. Зеро, У тавбаларни кўплаб қабул қилувчи Зотдир.

Таржимон: Нозимжон Ҳошимжон
Муҳаррир: Хуршид Маъруф

Муаллиф

Нозимжон Ҳошимжон

Манба

islom.uz

Мақоладан қандай фойда олдингиз?

МАЪЛУМОТНИ ИЖТИМОИЙ ТАРМОҚЛАРДА УЛАШИНГ

Аввалги мақола

Бизга баракани ато этган Аллоҳга ҳамду санолар бўлсин!

12:51 / 29.12.2022 2881

Кейинги мақола

Қилни қирқ ёриб...

15:00 / 30.12.2022 4091

Мавзуга оид мақолалар

Бели оғримаганнинг нон ейишига боқ

Қадимда бир бой киши кичик ўғлига умр бўйи эсдан чиқмайдиган дарс бермоқчи бўлди. Кечқурун ота ўн иккига кирган ўғлини ёнига чақириб .Эртадан бошлаб ишга бориб, давоми...

4424 11:00 / 10.03.2023

Қуръони Каримда зикр қилинган нажот топгувчилар кимлар?

Қуръони Каримда зикр қилинган, дунё ва охиратда нажот топгувчилар қуйидагилар1. Ғайбга ишонувчилар.2. Намозни адо қилувчилар.3. Закоти нисобга етса уни адо давоми...

3767 09:00 / 09.06.2021

Бахиллик қилишга Аллоҳ таолодан ҳаё қиламан

Умар ибн Убайдуллоҳ ибн Маъмар раҳимаҳуллоҳ араблар орасида сахийлиги, шижоати билан ном чиқарган киши эди. Куняси Абу Ҳафс бўлган бу киши Қурайшнинг давоми...

2995 09:00 / 22.09.2021