1446 йил 17 зулқаъда | 2025 йил 14 май, чоршанба
Минтақа:
Тошкент
ЎЗ UZ RU EN
Янгиликлар

Уламоларимиз Жанубий Кореянинг Чеонгжу Ислом Марказига ташриф буюришди

17:10 / 17.12.2022 1350 pdf Ўқиш режими + -

Жорий йилнинг 14 декабрь куни устозларимиз Муҳаммад Айюб домла Косоний ва Исмоил домла Муҳаммад Содиқ ҳамда Айман Ҳасаний Жанубий Кореянинг Чеонгжу Ислом Марказига ташриф буюришди. У ерда устозларимиз ватандошларимиз билан учрашиб, илмий-маърифий суҳбат қилиб беришди.
Маросим Қуръони Карим тиловати билан бошланди.
Сўнгра Исмоил домла Муҳаммад Содиқ илм ва ният ҳақида маъруза қилиб бердилар. Устоз суҳбатлари давомида мавзуга оид Пайғамбаримиз соллаллоҳу алайҳи васалламнинг ҳадисларидан мисоллар келтириб, шарҳлаб бердилар.
Исмоил домла: «Инсон ҳар бир нарсада вақтни тўғри тақсимлаши, ниятни холис қилиши керак» дея таъкидлаб ўтдилар. 
Кейин устоз Муҳаммад Айюб домла ният, садақа, фаросат, мантиқ каби мавзуларда суҳбат қилиб бердилар. Муҳаммад Айюб домла суҳбатлари жараёнида ватандошларимизга: «Ниятни тўғри қилсак, бу ерда истиқомат қиладиган муддатгача ҳар бир ҳаракатимиз, оғзимиздан чиқадиган яхши сўзимиз, ҳатто кечаси ухлаганимиз ҳам садақа ҳисобланади. Шунда барчамиз Аллоҳ таолонинг ҳузурида буюк ажрга, мукофотга эришамиз», дедилар.
Учрашув давомида савол-жавоблар бўлиб ўтди, диндошларимиз устозларимизнинг панд-насиҳатларидан, тавсияларидан баҳраманд бўлишди.
Маросимда ватандошларимиз учун ажойиб хушхабар ҳам айтиб ўтилди. Хушхабарга кўра, Ўзбекистон ва Жанубий Корея элчихонаси ҳамкорлигида ватандошларимиз учун муҳим бўлган диний адабиётга оид китоблар етказиб беришлиги маълум қилинди.
Суҳбат якунида уламоларимиз жамоат аҳли ҳақига дуолар қилиб бердилар. 
Аллоҳ таоло бўлиб ўтган илмий суҳбатларни бардавом айлаб, устозларимизни ҳифзу ҳимоясида асрасин, бўлаётган суҳбатларни барчамизга манфаатли қилсин. 

Манба
islom.uz
Мавзуга оид мақолалар
Азиз Islom.uz портали мухлислари, маълумки, Расулуллоҳ соллаллоҳу алайҳи васалламнинг ҳаётларига бағишланган 30 қисмдан иборат мультфильмнинг биринчи фасли пешмапеш давоми...

2425 15:03 / 19.12.2019
Жорий йил 918 август кунлари Туркиянинг Конья шаҳри V Ислом Бирдамлиги ўйинларига мезбонлик қилади. Маълумки, жорий йил Хитойда ўтиши керак бўлган ёзги Осиё давоми...

1523 16:00 / 09.08.2022
Жорий йилнинг чоршанба оқшомида икки муқаддас масжид ишлари бўйича раислиги Рамазон ойи арафасида йиллик таровеҳ жадвалини эълон қилиш билан бирга, машҳур имом, давоми...

2131 19:50 / 25.03.2023
Ўзбекистон Республикаси Президентининг 2025 йил 14 мартдаги .Имом Мотуридий таваллудининг 1155 йиллигини кенг нишонлаш тўғрисида,ги қарори буюк ватандошимиз, ақида давоми...

736 16:16 / 21 апрель