1444 йил 8 жумадул аввал | 2022 йил 02 декабрь, жума
Минтақа:
ЎЗ UZ RU EN
Мўминларга эслатма

Маҳзунлик умрни зое қилади!

14:13 / 24 ноябрь 564 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Маҳзунлик умрни зое қилади, соғлиқни кетказади, Аллоҳ субҳанаҳу ва таоло ҳақида ёмон гумонга олиб боради.
Қуръони Каримда Аллоҳ таоло маҳзунликдан қайтариб: «Бўшашманглар! Хафа бўлманглар» деган. (Оли Имрон, 139-оят).
Ва яна: «Уларга хавф йўқ ва улар хафа ҳам бўлмаслар», деган (Бақара сураси, 38-оят).
Маҳзунлик қалбга фойда келтирмайди. Шайтоннинг энг суйган нарсаси мўмин бандани хафа қилиб, унга ҳеч нарса қилдирмай қўл-оёқларини ипсиз боғлаб қўйишидир.
Набий соллаллоҳу алайҳи васаллам маҳзунликдан Аллоҳ паноҳ беришини сўраб: «Аллоҳим, Сендан ғам босишдан, маҳзунликдан паноҳ сўрайман», деганлар. 
Имом Бухорий ривоят қилган.
Маҳзунлик қалбни заифлаштиради, қатъийятсиз, иродасиз бўлишга олиб боради. Шунинг учун мўмин инсон бошига тушган ғам-ташвиш, мусибатлардан маҳзун бўлмаслиги, тушкунликка тушмаслиги керак. Аллоҳ таоло пешонасига битган тақдирини розилик билан қабул қилиши, ҳамма нарса Унинг қўлида бўлган Зот ҳақида ҳусни зонда бўлиши лозим. 
Расулуллоҳ соллаллоҳу алайҳи васаллам шундай дедилар: «Мўминнинг иши ажойиб-да! Ҳар бир иш унинг учун яхшиликдир. Бу нарса фақат мўмингагина хосдир. Унга хурсандчилик етса, шукр қилади ва бу унинг учун яхшилик бўлади. Унга танглик етса, сабр қилади ва бу ҳам унинг учун яхшилик бўлади».
Имом Муслим ривоят қилган.
Салафи солиҳлардан бири шундай деган:
«Мен бир ҳожат юзасидан Аллоҳга дуо қиламан. Агар Аллоҳ уни менга берса бир марта севинаман. Агар уни менга бермаса ўн марта севинаман. Чунки биринчисида менинг хоҳшимни амалга оширди. Иккинчисида Аллоҳ хоҳлаганини қилди».
Шундай экан, Аллоҳ берган бу қисқа умримизни ғам-ташвиш, маҳзунлик билан зое қилмайлик. Қалбимиз уришларидан розилик ва қаноат саси эшитилсин.
Аллоҳим, қалбларимизни маърифат ва яқийн нурига тўлдиргин. Биз ожиз бандаларингни икки дунёда хушнуд айлагин. Омин!!!


Муҳаммад Али Муҳаммад Юсуф

Муаллиф
Муҳаммад Али Муҳаммад Юсуф
Манба
islom.uz
Мавзуга оид мақолалар
Одамларнинг нотўғри йўлларга киришлари ва уларда давомли бўлишларига сабаб ўлимни унутишларидир. Ўлимини ўйламаган одам ҳар қандай гуноҳни тап тортмай давоми...

1748 12:30 / 02.06.2020
1958 йилда Хитой раҳбари Олдинга катта қадамrdquo қонунини эълон қилади. Бу қонун орқали иқтисодий ўсиш, қишлоқ хўжалик маҳсулотларининг миқдорини ошириш кабилар давоми...

2891 06:00 / 27.02.2021
Кейинга суриш офатлариБугунлик вазифани кейинга суришда, эртага қолдиришда офат бор.Биринчидан, албатта, эртагача яшашга кафолат йўқ. Амирларнинг биттаси бир давоми...

1143 12:00 / 22 май
Ҳужжатул Ислом имом Ғаззолий .Бидоятул ҳидоя, номли китобида қуйидагиларни айтадилар.Вақтинг ndash ҳаётинг, умрингдир. Умринг сармоянгдир. Ўша билан тижорат давоми...

1245 11:01 / 05.06.2021
Аудиолар

91189 06:58 / 10.10.2018
«Ҳилол» журнали
Китоблар

19565 09:35 / 11.08.2021
Топ рейтинг www.uz Openstat