1445 йил 18 Рамазон | 2024 йил 28 март, пайшанба
Минтақа:
ЎЗ UZ RU EN
Шахсият

Ислом бу муваффақиятли даъводир

19:00 / 14.11.2022 1135 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

1996 йил 9-март кунида шайх Муҳаммад Ғаззолий раҳимаҳуллоҳ вафот этди. Ғаззолий анъанавий ва одатий даъватчиларга ўхшаб ёдлаганини ривоят қилмас, сатрдан чиқиб кета олмасдан ўқиганини айтадиган киши эмас эди.

Аксинча, унинг китобини ўқиганлар унинг буюк мутафаккир, меҳрибон инсон, исломни тўғри англаган онг соҳиби эканлигини фаҳмлайди.

Муҳаммад Ғаззолий шариат асосларини китоблар ичидан ҳаёт кўчаларига қайтаришга уриниб яшади.

Ғаззолий таъбир жоиз бўлса очкўзлик билан ўқийдиган ўқувчи эди. Унинг билими, маърифати кенг эди.

Унинг китобларининг барчасида қайсидир адибнинг, қайсидир мутафаккирнинг, қайсидир психологнинг, қайсидир тарихчининг гаплари далил сифатида келтирилади.

Ғаззолий ўзининг «Ҳаётингни янгила» номли китобининг муқаддимасида бу китобни ёзишида Дейл Карнегининг «Ташвишни қўй, ҳаётни бошла» китоби туртки бўлганини ёзади.

У ўзгалардан фарқли инсон эди. Кишиларга раҳми келар эди. Ғулувдан доимо узоқда бўлар, шариатни қаттиқ тутар эди. Беайб фақатгина Аллоҳ, аммо юқоридаги гаплар фақатгина менинг фикрларим холос!

Бир куни бир йигит Ғаззолийдан сўради:

- Бенамоз кишининг ҳукми нима?

Ғаззолий деди:

- Уни масжидга олиб боришинг!

Қисқаси Ғаззолийнинг йўналиши шу! Унинг бағрикенгилиги мана шу!

Ғаззолийнинг фикрларидан намуналар:

1. Гоҳида сохта диндорлик умматни очиқ атеизмдан кўра кўпроқ барбод қилади!

2. Тўнкалар иймонини ёмон кўраман. Чунки бу иймонга айланган тўнкаликдир. Ожизларнинг тақвосини ёмон кўраман. Чунки бу тақвога айланган ожизликдир!

3. Оламда тарқалган куфрнинг ярим гуноҳи, ўзларининг ёмон қилмишлари ва ёмон гаплари билан Аллоҳни бандаларига ёмон кўрсатган диндорлар гарданига тушади!

4. Иймонга мажбурлаш кишини мўъмин қилиб қўймаганидек, фазилатли ишга кишиларни мажбурлаш ҳам уларни фазилатли инсон қилиб қўймайди. Фазилатнинг асоси ҳурриятдир!

5. Ислом бу муваффақиятли даъводир. Аммо унинг адвокатлари омадсиздир!

6. Диннинг вазифаси йиқилиб тушган инсоннинг қўлидан тутиб турғизиб қўймоқдир, уни ўлдириш эмас!

 

Абдулқодир Полвонов

Муаллиф
Абдулқодир Полвонов
Манба
islom.uz
Мавзуга оид мақолалар
Исломда мусулмон киши ўзи тўғри йўлдан юриб, зарарли нарсалардан четда туриб, фақат ўзиниўзи тузатиш билан овора бўлиб қолишга яхшилик деб қаралмайди. Балки давоми...

2908 05:00 / 02.03.2017
Цемент сотувчи йигитнинг айтганлари...Тўғрисини айтсам, мен илгари ўғри бола эдим. Ўрганиб қолган эканман, ов илинжида бош тиқмаган тешигим қолмаган. Бировнинг давоми...

2761 17:00 / 06.02.2021
Анас розияллоҳу анҳудан ривоят қилинади .У киши хўшбўй нарсани қайтармас эди ва Набий соллаллоҳу алайҳи васаллам хушбўй нарсани қайтармас эдилар, деган даъвони давоми...

3040 05:00 / 02.03.2017
Бия сутининг ачитилгани қимиз дейилади. Қимиз таркибида инсон танасига енгил сингийдиган оқсиллар бор. Бир литр қимиз ичган киши танаси йигирма грамм оқсил билан давоми...

8733 05:00 / 01.03.2017
Аудиолар

118735 11:58 / 10.10.2018
«Ҳилол» журнали
Китоблар

40699 14:35 / 11.08.2021