«Islom.uz – 1444» танлови
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Азизлар!
«Islom.uz-1444» танлови
Азизлар!
Устозимиз, фазилатли шайх Муҳаммад Содиқ Муҳаммад Юсуф ҳазратларининг «Аҳли сунна ва жамоа мазҳаби асосида пок ақийда ва мусаффо Исломга интилиш, Қуръон ва суннатни ўрганиб амал қилиш, исломий маърифат таратиш, салафи солиҳларимизга, улуғ мужтаҳидларга эргашиш, кенгбағирлик ва биродарлик руҳини тарқатиш, диний саводсизликни тугатиш, ихтилоф ва фирқачиликка барҳам бериш, мутаассиблик ва бидъат-хурофотларни йўқотиш» шиорлари остида «Islom.uz-1444» йиллик танловини эълон қилади!
Танловдан мақсад
- маънавий баркамол авлодни тарбиялаш, ёшларнинг Ватанимизнинг тарихи, бугуни ва эртаси олдидаги масъулиятини ошириш, ёш авлодни зарарли таъсирлардан ҳимоялашга муносиб ҳисса қўшиш;
- халқимизнинг маънавий-маърифий қадриятлари, маданий, адабий-бадиий меросини ўрганишни рағбатлантириш;
- замонавий ахборот-телекоммуникация воситаларини ўрганиш ва улардан кенг фойдаланишни тарғиб қилиш.
Танлов йўналишлари
1. Адабий-бадиий (насрий, шеърий асарлар, публицистик мақола, очерк, репортажлар, сценарийлар, хорижий тиллардан ўзбек тилига ёки ўзбек тилидан хорижий тилларга таржима қилинган маънавий-маърифий асарлар);
2. Мультимедиа (видео, анимацион фильмлар, бадиий, илмий-оммабоп, ҳужжатли фильмлар);
3. Дастурий ишланмалар (мобил иловалар, сайтлар, ижтимоий тармоқлардаги каналлар).
Танлов шартлари
Ёзма ижодий ишлар камида 500 та сўз бўлиши ва doc, docx ёки rtf форматда бўлиши керак.
Видеолавҳалар ўлчами камида 1920х1080, камида 30 сониялик бўлиши, mp4 форматда, аудио ҳолати эса 48000 kHz 320 kBit бўлиши керак.
Мобил иловалар iOS ёки Android тизимида, Mac, Windows ёки Linux тизимида ишлаши керак.
Мукофотлар
Энг юқори баҳо берилган асарлар ўз мезонлари бўйича танлов ғолиблари деб топилади ҳамда муаллифларга қуйидаги мукофотлар топширилади:
1-ўрин учун – 15 000 000 сўм
2-ўрин учун – 10 000 000 сўм
3-ўрин учун – 5 000 000 сўм
Материалларни шахсий маълумотлар, электрон почта ва телефон рақамларини илова қилган ҳолда @islomuztanlovbot ёки tanlov@islom.uz манзилига юборинг.
Ижодий ишлар бугундан бошлаб ҳижрий 1444 йил зулқаъда ойининг 20 кунигача қабул қилинади.
Танлов шартларига мувофиқ келган маҳсулотлар islom.uz порталининг ижтимоий саҳифаларига қўйиб борилади.
Эслатма:
Танловга тақдим этиладиган материалларда Ислом тарихи, илм-фанга бағишланган мавзулар ёритилиши, хусусан, диёримизнинг, буюк аждодларимиз ва замондошларимизнинг Ислом умматининг равнақига қўшган улкан ҳиссаси акс эттирилиши, халқимизнинг маънавий-руҳий қиёфаси, бой маданий ва маърифий мероси, бугуни ва эртаси ифодалаб берилиши лозим. Шунингдек, материаллар аввал бошқа манбаларда берилмаган бўлиши, долзарблиги, иш ҳажми (қилинган меҳнат), сифати, савияси ва аҳамияти ҳамда илмий асосга эга бўлиши керак.
Танлов муносабати билан сиз азизларни хайрли ишларда ҳамкорлик қилишга таклиф этамиз.
Бу ҳақда Аллоҳ таоло Ўзининг каломида шундай марҳамат қилган:
«...Яхшилик ва тақво йўлида ҳамкорлик қилинг...» (Моида сураси. 2-оят).
Uz card рақами: 8600 1404 5164 5817 (Madiyarov Davron)
Visa Platinum рақами: 4854 7002 8374 8642
Union Pay рақами: 6210 4502 7071 5535
Марҳамат, танловда иштирок этиб, ғолиб бўлинг!
@islomuz
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
